der swiss deutsch thread(nur schweizerdeutsch schreiben)

[Thomas Degen]

Ha es Problem mit mim Turbo. Er baut kei Ladedruck uff. D Ladedruckazeig stigt bim Beschleunige nur knapp über Null. Me merkt klar, dass dr Dampf fählt.
Eigentlich hanni gmeint, dr Lader sig im Eimer und ha mer e China-Lader kauft. In minere Garage het me alli Schlüch, Leitige und dr Lader kontrolliert und dr Mech het gmeint, dr Lader sig no ok und es miech kei Sinn e neue izbaue. E paar Schlüch het är gwägslet, will sie spröd gsi sind und s obere het e Riss kha.
Trotzdäm duet er nit.
Bevor i jetzt umexperimentier möcht i froge, ob's do in der Schwiz öpper git wo grossi Erfahrig mit em Supra Turbo het und das Problem (falls nötig au mit em Ibau vom Chinalader) löse könnt.
I cha nid warte bis i öppis erb, damit i mir d Toyotagarage leischte kha
Ha emol notfallmässig wägeme platzte Wasserschluuch in e Toyotagarage im Zürioberland miesse. Stundeasatz Fr. 180.-- (für dr Mech, nid für e Awalt!)
Für e Tipp oder Agebot wär i dankbar. Mach mr e mail und gib mr velicht dört e Telefonnummere, damit ich alüte ka.
Merci
Thomas