der swiss deutsch thread(nur schweizerdeutsch schreiben)

[mikezzz]

Höfi, ig würd sofort, wohne aber nid im Kanton Bärn.

Und aune andere o e guete Morge... Hüt wird gmüetlech, schliesslech muesi am Namitag chli uf d CS z Murte...

[Bleifuss]

Guete morge.
O am plöischler....

[Bleifuss]

Morge mitenang

[HOEFI]

Morge zäme !

Zitat von mikezzz

Höfi, ig würd sofort, wohne aber nid im Kanton Bärn.

Ja isch mer scho klar , dass ich glaubs als einzige mit Bärnerbläch do verträtte bi. Aber ich dänke, dass dir sicher au dr eint oder ander Bärner könnet .

[Bleifuss]

Sicher kennemer viu Bärner...!

[mikezzz]

Morge

Sicher tuuusig Bärner... Der Alonso söu ömu mau grad vote für ne guete Zwäck...

[HOEFI]

Ahjo de Alonsoooo hät ich jetzt fast vergesse ! De wohnt glaubs ime no chlinnere Kaff als ich xD.

E hüube zäme .

[Alonso]

Namitag zäme

Höfi;
Nüm lang :-P

Was mi fasch meh stört isch dä teil mit de "Vergünschtigunge". Nach däre ihre Logik zahleni füre Aygo när genau glich viel wie für ne normali Dräckschleudere mit ere viel schlächtere Effiziänzklass. U das nume will är Älter als 3 Jahr isch. Da fählts mit ändgültig a Verständniss...

[HOEFI]

Zitat von Alonso

Namitag zäme

Höfi;
Nüm lang :-P

Was mi fasch meh stört isch dä teil mit de "Vergünschtigunge". Nach däre ihre Logik zahleni füre Aygo när genau glich viel wie für ne normali Dräckschleudere mit ere viel schlächtere Effiziänzklass. U das nume will är Älter als 3 Jahr isch. Da fählts mit ändgültig a Verständniss...

Ja wes so wiiter goht, de hanis au gseh vo de Bärner. Zürcher sind mer eh sympathischer, minetwege au Aargauer .


Jap, das hani au gläse, nach 3 Johr super Stürvorteil für din Kategorie-A Wage, zahlsch nähr wider vollgas die normali Stür ! I meine bimene Aygo gohts vll no, da de nid so schwär isch aber en Honda Insight oder Prius wiegt schnäll au mol 1,8t = 600.- ufwärts! I dänke das wo du meinsch isch, wöu dine vo Dütschland chunnt bzw. dert iglösst esch und de bi üs wötsch ilöse gheie si dä automatisch i di gröbst Kategorie und DU muesch IHNE das bewiise, dass dä "ökologisch" esch. I meine, me cha dene ja grad no alli Arbeit überneh und dene go s'Arsch abputze. Ich säg nur F***EN! Ich setz mich für das Referendum ih, au weni de vll einisch nüm im Kt. Bern wohne - ich finds eifach en Frächheit.

[lukas85]

Zitat von HOEFI

Ja wes so wiiter goht, de hanis au gseh vo de Bärner. Zürcher sind mer eh sympathischer, minetwege au Aargauer .

Obacht!

Aso vo Wynau esch jo wohl keis Problem i Aargau z zögle. Chasch jo uf Murgethal oder so. Denn profitiersch bi de Stüüre ond besch no emmer fasch z Bärn.

Apropo zögle, Wynau etc. i wohne ab nöchscht Woche ganz i de nöchi.

[HOEFI]

Zitat von lukas85

Obacht!

Aso vo Wynau esch jo wohl keis Problem i Aargau z zögle. Chasch jo uf Murgethal oder so. Denn profitiersch bi de Stüüre ond besch no emmer fasch z Bärn.

Apropo zögle, Wynau etc. i wohne ab nöchscht Woche ganz i de nöchi.

Hehe, ja ich weises , be üs goht ebe d'Gränze grad am falsche Ort düre was Stüre abelangt. SO wie au AG sind um x-Ligene günstiger in jeder Hinsicht.

Ahjo? Wohi chunsch de id nöchi? De chamer de mol eis go Trinke !

[lukas85]

Zitat von HOEFI

Hehe, ja ich weises , be üs goht ebe d'Gränze grad am falsche Ort düre was Stüre abelangt. SO wie au AG sind um x-Ligene günstiger in jeder Hinsicht.

Ahjo? Wohi chunsch de id nöchi? De chamer de mol eis go Trinke !

Sovel i weiss esch SO aber in Sache Fahrzüg au ned grad gönschtig.

I Zögle uf Brittnau, das esch scho einiges nöcher als jetzt Secher, das mache mer denn.

[Alonso]

Morge zäme

Jungs - wo isch problem? Alli ide Ferie?

[mikezzz]

Guete Tag

Die Frag hani mer vori o grad gsteut. Irgendwie stirbt tä Thred we mir nid luege... Isch schier ungloublech...

[lukas85]

Aso i ha leider ke Ferie.. Aber ztue hätt i gnue.