der swiss deutsch thread(nur schweizerdeutsch schreiben)

[mikezzz]

Guete Morg

Auso, geit folgendermasse:

1. Ölablassschrube gäge Uhrzeigersinn dräie bis si ganz use chunnt. Vorhär aber es Becki mit gnue Fassigsvermöge drunder stelle
2. Warte bis aus Öl dusse isch
3. Schrube mit nöier Dichtig wider im Uhrzeigersinn ineschrube
4. Ölfilter gäge Uhrzeigersinn dräie bis er wäg isch
5. Nöie Ölfilter uf der Dichtig liecht mit em Altöl iribe, das es besser flutscht bim Azieh
6. Dä nöi Ölfilter dört häre schrube, wo der aut hesch wäggnoh, logischerwis im Uhrzeigersinn... Azieh nume vo Hand
7. Obe uf em rächte Ventildeckel das schwarze im Uhrzeigersinn abschrube wo entweder OIL oder 7I0 druffe steit. Dört nöis Öl inetue bis der Ölmässstab wider uf max isch...

Hoffe, es sigi einigermasse verständlech... Ach ja, und faus der Ungerbodeschutz drunder hesch, würdi dä zersch wäg näh... süsch versousch der aus...

Gruess