der swiss deutsch thread(nur schweizerdeutsch schreiben)

[Full_Throttle]

Oha uf Pfäffike SZ gasch ? bin in Wilen SZ (knapp 5km vo pfäffike) uufgwachse. wänn chunsch denn am aabig wieder us em bündnerland zrugg ? mer chent susch uf höchi züri eis go zieh, git also au Calanda da
Villicht chemt de Steeler au no verbii, mir schaffed nämli nöd eso wiit vonenand entfernt, und au gad a de ost-west transit-achse, sprich es wär kein umweg vo diinere reiseroute.

tönt ömu no friedlech... fasch aus würdsch der ganz tag nume umeplöischle...

Ich wünscht ich chent umeplöischle...nume hämmer da kei Heinzelmännli wo über nacht miini Arbet erlediget...

Da fallt mir no ii, de cheibe Prüefer ufem Strassi isch scho en rächte Pinsel...machemer e churzi rundfahrt, bzw er fahrt....meint er nume so, also er seg scho Supras gfahre die seged viel giftiger im 2.te gang...sauhund druckt mer d'lady us de chelti use im 2. gang uf 6000U/min, und stellt nachedane de Motor sofort ab. Aber vorher no dumm tue wäge de Downpipe...jäääh saucheib !
Find i überhaupt nöd luschtig, ich gibe immer acht, motor zersch warm z'mache bevor i bitz stoffe, und lahne de motor brav uslaufe vor em abstelle...chan doch ned sii dass de typ a de MFK soo umgaht mit de autos...