der swiss deutsch thread(nur schweizerdeutsch schreiben)

[Breth]

Mues luege, wiäs mit de Arbet usgseht. Am ehnschte vilicht am Sunntig, aber den sin Dir ja normalerwis gar nid det oder? Usserdem muesi a de Supra no was mache............ Und unter de Wuche isch denk tschpaat, den i han ja immer ersch am 6i Fürabig, dänn no ca. 1std bis zu euch und dänn isch au scho 7ni halb 8i

[mikezzz]

Guet, am Sunnti chönnt me jo süsch eifach eis go trinke...

[Breth]

Heya, warum nid. Meh chan susch ja nomal telefoniere vorher.

[Bleifuss]

Sälü Breth
Am Samschtig simer meischtens ou ume, nume grad dr nächscht bini am Mittag scho wäg, mi Vater chunnt 60tgi...
U Übrigens Breth, i gratuliere zum Bricht im Motor Sport Schwiz..... colli Pics dinne

[Breth]

Ja de Samschtig bini nid umme, bin neume iglade.....

Ja merci wegem Motorsport.

[vögi88]

so ali fit und munter ???

[mikezzz]

morge wou
so, aui usgschlafe u munter?

[Bleifuss]

Morge die Herre.
Si dr Öski u dr Züri geschter no is Luna?

[mhcruiser]

Morge...

[mikezzz]

Zitat von Bleifuss

Si dr Öski u dr Züri geschter no is Luna?

Guete Morge auersits.
Nö, mir si ir Kabine gsi, schnäu schnäu, när hani id Landi müesse ga Znacht und der Öski ga Zigis hole, und de hei mer dört no grad eis gno...

[Bleifuss]

Ah so. Ig bi drum öppe am 7ni im Luna gsi. Jaime u so si dettä gsi.
Bi ersch denn vo Gänf heicho....
U dr Hofer isch ume gsung?

[mikezzz]

Achso... der Jaime hani no parkiert gseh, aber scho öbbe am haubi sibni.
bi huere uf der schnure gsi, drum bini när hei...

hoffes doch, das dä wider fit isch...

[Full_Throttle]

Morge allersiits,

Geschter z'aabig go tanke, hät mi schier hine use gsträhled, 1.98 CHF für '98 BF....
46 Liter und über 90 stutz ligge lah... han jetzt meh als e wuche nöme tanked gha, aber han langsam s'gfühl die huerre spritpriise gönd vo wuche zu wuche 10 rappe ufe...

Sauerei isch das; da heisst's s'ganz jahr dure judihui, d'wirtschaft lauft rund, alles isch super, s'gäld flüüst, d'bürger händ wieder meh geld bla bla bla.
Und näher wird de Leitzins erhöht, voila d'mieti für die behindert wohnig gaht gad um 100 stutz ufe, fasch all grundnahrigsmittel sind tüürer worde, vo de gnussmittel fang i gar nöd ersch aa....

Regt mi eifach langsam uuf, chunt mir wie verhöhnig vor, mer liest vo lohnerhöchige, dass meh geld pro chopf zur verfügig staht, debii sind das nur wenigi wo's betrifft, entweder mensche wo eh scho en miese lohn hend, oder denn irgendwelchi "Top"-Manager mit 10tuusige vo franke bonus.

Bin ich de einzig wo findet dass d'tüürig schneller voraaschriitet als d'Löhn aapasst werdet ?

So, han grad e biig rächnige zahlt gha, drum bin i uf 180 obe. Regt mi eifach uuf, wenn praktisch de ganz lohn nur scho durch normali rächnige ( versicherig, mieti etc) verbrötlet wird.

[Steeler]

Geschter z'aabig go tanke, hät mi schier hine use gsträhled, 1.98 CHF für '98 BF....
46 Liter und über 90 stutz ligge lah... han jetzt meh als e wuche nöme tanked gha, aber han langsam s'gfühl die huerre spritpriise gönd vo wuche zu wuche 10 rappe ufe...


He Jan wo gash dän Du go tanke? 500 m une dra vom Uetlihof , bi mir i de Binz
zahlsch 175.5 .

[mikezzz]

A was fürere Deluxe-Tanki geisch de du verbi? isch das e bedienti mit em ne nätte Frölein pro Chund wo di asüüslet und der der Platin-Tankstutze inehebt?