der swiss deutsch thread(nur schweizerdeutsch schreiben)

[Full_Throttle]

ouä stimmt, d'F4 isch d'phantom...F5 isch d'Tiger, mi fähler

isch aber au nume ca 15 jahr her sit miär d'Phantom uusgmustered hend, mag mi no erinnere als junge teenager si diä no vo dübedorf uus gstarte...

@Höfix : was lahsch nid lah gälte ?

Ich wüsst nöd wieso, aber falls es land wür welle d'schwiiz aagriife, naja, denn hetted mir zimli schlächti charte zu Luft, mit dene paar F18 chömmer au niemer dra hindere dass s'mittelland zuebombt wür werde...im gebirge hetted eusi pilote sicher e vorteil, aber det gebts au nöd so viel kämpf miire meinig nache

eusi armee isch natürli hervorragend uusbildet, aber es würd glaub au keis land eifach mit bodetruppe iimarschiere, das isch e veralteti chriegsführig...

prinzipiell brüchts ja extrem viel bis euses Land in akuter bedrohig wär, vorher müsstet di "feindliche" striitchräft zersch mal entweder a frankriich, italie, österrich oder am schwabeländle verbii... und so en grosse chrieg wo halb europa involviert isch....naja chan's mir eifach schwer vorstelle wie das i de hütige ziit söll passiere.... mit de rasante informationstechnik bestaht d'chance praktisch nöd, dass son psycho wie de Hitler ad macht chempt, da wür scho lang vorher irgend es internationals gremium devo wind übercho und iischriite.

Mer gsehnds ja hützutags, di Länder vo dene e bedrohig uusgaht, sind politisch rückständigi staate, wo de staat de informationsfluss kontrolliert ( China, Nordkorea, Iran etc), und bevor irgendöpper d'schwiiz aagriift, gebts es halbs duzend anderi länder wo höcheri priorität hetted zum aagriffe werde....


isch natürli alles voll subjektiv, hoffe niemer fühlt sich aagriffe finde ja waffe und militärtechnik au interessant, aber s'schwiizer militär isch au nach de reform no viieeel z'gross und choschtet verhältnismässig zviel.

[Bleifuss]

Jan, t Schwiiz het nie F4 Phantom gha. Aber F5 Tiger heimer gha: Monoplace u Biplace.

[Chrima70]

Do chasch gloub unendlig diskutiäre...
Aber isches nöd wiä mit äm Outi abschlüsse ?
Machsch 'es nöd is vermuetli schneller gklaut, wiä wänds abschlüsse tuäsch ! Wivil Alarmaalage no nötig sind isch wider weniger gnou z'wüsse.

(Pä Äs: Phantom hei mer au niä gha, diä si äne am Bodensee gsih.. )