der swiss deutsch thread(nur schweizerdeutsch schreiben)

[mikezzz]

@Bleifuss: Nid gross, schnäu vo deheim uf Kerzers u zrügg geschter... aber es läuft und läuft und läuft und läuft und... hinech de no schnäu aui Niveau kontrolliere

@Jan: aso i wär am Samschti dört... me müesst no mit el Cheffe luege, wies usgseht, aber näbe Tagesfahrlampe iboue hätti sicher Zyt für z luege

@Chrima: isch effektiv so, das mit de Näbler vore isch nid toleriert... bisch auso nid der einzig, wo zaut derfür, das er nume mit dene umefahrt... drum hani Tagesfahrlampe dinne

[Full_Throttle]

Find i au guet so, wirde amigs fascht blind wenn son näbellampe-typ hinder mir herfahrt

[Chrima70]

Jo zahle han i nöd müässä.
Aber wo mer hüt sfahre mit Liächt propagierät, dünkts mi doch blöd. U blände düä di nöd !

Gäbtis ächt nöd angeri iisätz um us em nebulicht es Tagesfahrliächt z'mache ?

[Bleifuss]

Tagesfahrliecht chasch det unge nid iboue. Isch ts töif, da hautisch die gsetzleche Ibouvorschrifte nid i.

[mikezzz]

D Näbler si gloub irgendwie z töif unge... aber i ha zum bischpiu mini (gliich wie öski und mhcruiser) hinger de gitterli drinne... und da hätt auso bis jetze no nie öpper öppis gseit...

[Chrima70]

U längit diä den ineme Tunnel ? Oder muäss mer dän wider die grosse uusfahre. Ha nämli jede tag 8 tünnel !

[mikezzz]

Zitat von mhcruiser

Morge Zämä!

PS: Soviu dasmer isch, darfsch sowieso nid nume mit Näbulampe umefahre, de muesch mindestens Abbländliecht ono ischaute...

Da hesch rächt. Entweder mit Abbländliecht- oder Schiinwärfer. Näbulampe und Standliecht giut nid.

Zitat von Chrima70

U längit diä den ineme Tunnel ? Oder muäss mer dän wider die grosse uusfahre. Ha nämli jede tag 8 tünnel !

Eh, solang mi eine im Rückspigu gseht cho, gsehni nid so nes Problem. Aber ganz ehrlech gseit: weisi nid. und bis jetzte hani niene e schlaue biitrag derzue gfunde, und sueche doch scho e viertu stund...

[Chrima70]

Si üs d'Östericher vorus ?

http://www.bmvit.gv.at/verkehr/stras...ht_am_Tag.html