der swiss deutsch thread(nur schweizerdeutsch schreiben)

[mhcruiser]

Salutti Comunity

[mikezzz]

Hüt isch hie rächt längwilig. ig gloub i mache am vieri fürabe...

[Full_Throttle]

Hoi zäme ! Bin also froh isch es Friitig...

Mal provisorisch aagfröget: Am Samstig 6. Oktober het i de ganz tag derziit für nomal uf Murte z'cho wäg em Topf; wer wür da hälfe anebaue, de Öski alleige oder.... ?
Und s'alte Mandli chent mir denn gern d'Supra poliere ( usser es schiffed dusse..)

Wär gern morn cho, aber han am aabig wieder es Basketballspiel und isch doch aagnehmer wenn mer nöd unter ziitdruck muen schaffe

[mikezzz]

Ig tue das mou so ufnäh und hinech mit em Big-Boss bespräche. ig ha ömu um momänt für denne nüt planet, auso sött das keis problem si. und bis denn schafft der öski das mit em reduzierstück...

[Chrima70]

Hoi Zäme
Han au emol wöle frooge wiä das mit dr Klinik funktionniert ? (Han scho äs mäil am MHCRUISER gschigkt, aber vilächt is nöd aacho ?)

Mini hät es Loch im hintere Topf, tönt aber leider nöd lüüter, und het immer no schrägi Beine. Di hingerä.
Brüchti eifach e mol än Tschegg-Öp (Service), da i si jo nonig lang fahre.
Isch di Silbrig gsih am Träffe z'Murte.

Würd mi fröie öppis z'ghöre !

Grüäss
Christian

[Full_Throttle]

Da fallt mir au no ii : wenn i de i bitz meh wie 1 Jahr mues s'auto vorführe, setti ja d'original pipe und original uuspuff dranne haa -> dh downpipe + Axelpipe (das 90° stuck a dem e Bolze broche isch !?) müst i denn wieder haa...
Weiss nöd wie das ghandhabt wird, nimm ich die "alte" teili wieder mit negscht mal, oder....?

Wär bime evtl wiiterverchauf sicher au "nützlich" d'originalteil chöne mitliefere (Nöd dass ich zZ plane mis gliäbte auto z'verchaufe, aber nur so in theorie)

Oder wenn ier i de Klinik quasi en MFK-vorführig-tauglichs "Supra-set" bereit händ, langet mier das susch au...

Isch mer nume grad in sinn cho will ja de original-uuspuff au mues versaged werde, zum s'adapterstuck für de neui topf chöne aneschweisse...und da han i mir überleiht "hey was passiert denn mit em original-rohr...?"
Weiss nöd ob de Prüfer de mobile penner-schlafplatz so toll findet wie ich

[mikezzz]

Guete Morge auersits:

Zitat von Chrima70

Hoi Zäme
Han au emol wöle frooge wiä das mit dr Klinik funktionniert ? (Han scho äs mäil am MHCRUISER gschigkt, aber vilächt is nöd aacho ?)

Mail oder PN a Mhcruiser, Bleifuss oder mi... När chame kable. Aber meischtens loufts druf use, dass me de em Öski alüttet, für e Termin abzmache.... S wichtigschte isch immer sones sixpäk bier mitnäh (und kei Fäudschlössli)

Zitat von Full_Throttle

Da fallt mir au no ii : wenn i de i bitz meh wie 1 Jahr mues s'auto vorführe, setti ja d'original pipe und original uuspuff dranne haa -> dh downpipe + Axelpipe (das 90° stuck a dem e Bolze broche isch !?) müst i denn wieder haa...
Weiss nöd wie das ghandhabt wird, nimm ich die "alte" teili wieder mit negscht mal, oder....?

Finge mer sicher e Lösig...

Weiss nöd ob de Prüfer de mobile penner-schlafplatz so toll findet wie ich

Eh, wener ineluegt i A... kicke, dä fingsch nie meh...

Übrigens: Wägem 6.10.2007 isch de guet, hett Öski gmeint.

[mhcruiser]

Zitat von Chrima70

Hoi Zäme
Han au emol wöle frooge wiä das mit dr Klinik funktionniert ? (Han scho äs mäil am MHCRUISER gschigkt, aber vilächt is nöd aacho ?)

Hallo Christian

Ja, tuet mer leid, has geschter am abe ersch gseh, z nächscht mau villech besser per PN!

@ Aui

Morgäzämä!