der swiss deutsch thread(nur schweizerdeutsch schreiben)

[Alonso]

Wär gloubs die erschti Murte-Supra wo no mit 2 Kats umefahrt..

Wär ärnscht gmeint gsi ja, eifach lieber nid grad churzfrischtig da viel@ohre Material würd schüsch no einiges umeligge, ou Boxe, Woofer, Amps, Kabel etc.. Da würdemer scho öppis zämebringe wo chli nach öppis tönt.

Dr Ufwand isch no schwär zum Schätze. Rein es Radio mit Boxe wär rächt fix drin. Weme no Kabel mues ihzieh/umlöte bruchts sofort grad chli Ziit. I dänke so mit rund 2 Stund Arbeit tönts schomal wieder, nach emene halbe Tag hesch ou Woofer und so in Betrieb.

Eigeti Doorboards isch denn nomal Faktor x meh Ziit.

Was het dini für en EZ? Hesch d'Boxe vorn schomal gmässe? Sötte entweder 10er, 13er oder 16er sii.

Ha bi mir 92er es Alpine 2-Wegsystem i die bestehende Halterige boue. Het grad knapp passt und eigentlich ganz guet tönt:
http://supra.alonso.ch/v/members/alo...fi/16.jpg.html

Bir jetzige 90er hani vorn nume no es 10er System. Dert suecheni no sälber e Lösig..

[Full_Throttle]

Also das tönt ja scho mal super

Isch klar, ich würd scho gnueg wiit voruus bscheid gäh....villicht chan i ja mol ame week end verbii cho ? Müsst jetzt au nöd grad i de negschte ziit sii, aber prinzipiell han i nonig viel plän für die negschte paar week ends...

Ich würd vorschlah, ich bringe denn eifach die Hochtöner mit, und s'radio ( han i beides relativ neu kauft), und denn chan mer ja immer no luege ob's passt oder öb du evtl e besseri Kombination Radio/boxe/woofer etc hetsch, und dementsprechend d'entlöhnig aapasse

@BF: Hät d'Supra-klinik es Endrohr (wie obe erwähnt vo dir) no uf Lager ? Falls ja, was wänder defür und wie lang wür dr iibau ga ?

E neui Lackierig macht mi au no aa...aber das choscht ja au grad wieder 4Tonne oder meh....Händ ier en Airbrush spezialist i de Klinik ? ich het da nämli scho ganz konkreti vorstellig vome geile Motiv....

[mhcruiser]

Guets mörgeli!

[Bleifuss]

Morge zäme!

[Full_Throttle]

Hey Alonso,
mir gaht's morn nöd zum aalag iibaue, und du häsch gseit negscht week end chasch Du nöd....wemmer mal provisorisch abmache für de 30 Juni (Samstig i 2 wuche) ?