der swiss deutsch thread(nur schweizerdeutsch schreiben)

[Bleifuss]

Sälü zäme!

[HöfiX]

tschou allei...

[Bleifuss]

Isch ja nüt los hie...

[Full_Throttle]

Alles wo nid aabunde isch....


Für diä wo's interessiert, miin Brüäder isch wieder usem Spital useloh worde, sowiit gseht's uus als hetteds de ganz Tumor verwütscht und kein Metastase gfunde
Jetz chan i hüt aabig wieder mal beruhigt an Stammtisch mich go voll laufe lah und de Blick studiere !

[Bleifuss]

Gueti Nachrichte!
U Di kaputt Motor geit ono guet?

[mhcruiser]

Morgä zämä!

Zitat von Full_Throttle

Alles wo nid aabunde isch....


Für diä wo's interessiert, miin Brüäder isch wieder usem Spital useloh worde, sowiit gseht's uus als hetteds de ganz Tumor verwütscht und kein Metastase gfunde

Gueti Nachricht, freut mi für di, und di Brüetsch natürlech!

Zitat von Full_Throttle

Jetz chan i hüt aabig wieder mal beruhigt an Stammtisch mich go voll laufe lah und de Blick studiere !

LOOOOL

[Full_Throttle]

@ Bleifuss: Motor lauft immer no Tip Top...erwartisch dass da was passiert, oder bisch eifach so fürsorglich ?

[Bleifuss]

Nume fürsorglech (zu däm ach sooo kaputte Motor (Aussage Toyota...))

[Full_Throttle]

Haha ja würkli...so im Nachhinein hett i am liebschte diä uussag uufgnoh...will woni damals verbii bin und gfröget han wie's uusgseht...also für diä vorstellig vom Garagist het mer ihn chöne für en Oscar nominiere..."Ja Herr Werder, es gseht ganz schlächt uus....*stirnrunzel* *kopfschüttelnd* dä Motor mues komplet revidierd werde."
WAS ?!?
"Ja d'Kurbelwelle mues au use...also ich persönlich wür mir das guet überlegge ob sich's lohnt z'repariere.."

Gott sei Dank han i mi nöd vollquatsche loh hehe

Im moment han i eifach keis Radio drin...s'alte wo drin gsi isch hät mi soo ufgregt....han's usegrisse und vome Berg gschmisse (ok han's ime Karton verstaut, aber vom Berg schmeisse tönt no guet oder ? )
Aber s'geili isch halt dass es ja en Verstärcher hät under em Biifahrer sitz, und diä Kabel sind quer dur's auto zoge und ersetzed die meischte originalkabel (sowiit ich das chan beurteile). Und selbstverständlich passed d'aaschlüss vom neue Audiogrät absolut nöd uf di bestehende aaschlüss im Auto...
Und so en Soundinstallateur wo grad 200m vo mir entfernt siis gschäft hät, will 800 stutz, nume für de iibau (!!!!!) ; ich gib ihm d'boxe und d'aalag woni will drin haa und er will 800stutz für's inebaue...unglaublich...

Drum fahri im moment mit "natursound"....da fallt mer ii, was isch die eifachschti ( und nöd all zu tüüri) lösig für en fettere Sound bim Auto/Uuspuff ?

[Alonso]

I hätt no es Sony CD-Radio wo nutzlos im Regal liegt. Isch eis mit Blackpannel. Gloubs CDX-M800 oder so:


Chönsch rächt günschtig ha, und gäg es paar Bier würdis ou ihboue

[Bleifuss]

@FT
U füre Ibou fragsch süsch dr mhcruiser, dä cha das guet

Bessere Sound am Uspuff für weni Gäud: Uspuff abem 2te Kat wäglaa
Nei, ächt, choufsch ä Remus oder so u machsch dr erscht Kat use. Oder ä Flech DP vom Axel, oder ä HKS-DP vom Jaco.

Tönt guet, s Outoradio vomene Bärg wärfe

[Full_Throttle]

Tönt guet !

@Alonso: Wo wohnsch denn Du ?

@BF:

choufsch ä Remus oder so u machsch dr erscht Kat use.

Hmm du häsch de erschti Kat scho usegnoh bi minere lady gäou ?

Ah jo de MhCruiser isch ja dr Soundarzt vo de Klinik

Ja also mal luege wie wiit de Alonso weg isch... Murte lieht halt nöd so am weg....

[Alonso]

Ich wohne ou im Mitteland, allerdings Region Solothurn Aber trotzdäm no im Kt. Bärn Zwüsche de Usfahrte Lyssach/Kirchberg und Kriegstetten/Gerlafingen.

[Full_Throttle]

Hm wohnid nöd grad viel nöcher als d'Murte-boys

Tja...@Alonso: Wie ernscht isch das gsi weg em iibaue...ich glaub ich ha vergässe z'säge dass i au no Boxe müsst haa...bzw Hochtöner hani 2 stuck, brücht no bitz tüftöner, evtl en subwoofer. Aber so für's erschti würds mer au lange nume d'hochtöner drin z'ha mit de aalag...demit i wenigschtens bitz chan sounde..

Bring der gern en Chischte Bier, wenn das alles isch wo'd wötsch haa.. weiss halt nöd wie viel arbet das macht...30min ? 3 stund? Diä Boxemulde i de Türene sind ja nöd grad das wahre...det passt keni aaständigi Boxe ine hani s'gfühl.. aber was weiss ich scho, bin eh en Alki wo de Blick liest

sorry...insider joke @KoQ

[Bleifuss]

@FT
Am erschte Kat hani nie öppis gmacht, wenn, denn dr Grizzly.... aber