der swiss deutsch thread(nur schweizerdeutsch schreiben)

[Full_Throttle]

Sodeli, han endlich bscheid übercho vom Mech...allerdings die absoluti Hiobsbotschaft Chan also jede Rat vo eu Profis bruuche, will ich weiss ehrli gseit voll nöd was etzig die bescht lösig isch.

Also: Kurbelwelle mues ersetzt werde, und Pulli ( oder Pully, Bully ? ) au. Gschätzi reparatur chöschte wenn ich's i de Garage würi mache, und de Motor quasi eifach revidiert würdi:CHF 5000.- bis 5500.-

Mech het gmeint es chem billiger, nacheme neue Motor uusschau z'halte...

Also im moment kackt's mi eifach nume uuhuerre aa, weiss überhaupt nöd was am schlauschte wär. d'Supra so wie si etzig isch, seg höchstens 1000.- wert, sie repariere schiint mir im verhältnis zum kaufpriis nöd sinnvoll und eifach en occasion mocke inebaue...naja, de chents mir ja au grad wieder lupfe.

Aber soviel isch mal gseit: Ich mach überhaupt kein Vorwurf an Bleifuss, bim Chauf isch also alles tip top gsi ( sowwit miis laie-Auge das chan beurteile), ich het halt eifach de Trip uf Dänemark nöd sölle mache, das isch wohl eifach zu grossi belaschtig gsi für miini lady....und bi de erschte seltsame chlopfgrüsch hetti gschiider la abschleppe loh, denn hett i villicht chöne was rette...
tja, im nachhinein isch mer immer gschiider gälled ?

Aber ebe, händ ier irgendswelchi vorschläg ?