der swiss deutsch thread(nur schweizerdeutsch schreiben)

[Alonso]

Das isch e luschtegi Gschicht . Ha mit däm Fall geschter Abe fasch die ganzi Wärkstatt vo Toyota Burgdorf für rund e Stund chönne Beschäftige

Mir hei fasch ihres ganze Lager a Chüelertechle düregmässe und teschtet. Jetzt hani mal e nöie druf, wo ufe erscht Blick e guete Ihdruck macht. Fakt isch, dass d'Original Supratechle nid passe (!). Bi däne chunnt dr unter Dichtigsring eifach öppe 4-5mm zwenig wiit abe.

Bi hüüt mitere unterwägs. Hinech de mau luege, obs no immer ids Expansionsgfäs usedrückt het..

Cha das si, das dr Chüelertechel eh eihfluss uf e Temperaturahstieg het? Mi het dünkt, dass sie mit em alte Techel massiv länger gha het, bis sie isch warm gsi (bzw. ds wasser). Vorhär hani rund 8-10km müesse fahre, für warm ds wärde. Jetzt isch sie scho nach dr hälfti warm gsi, bi gliichem Fahrstil.