der swiss deutsch thread(nur schweizerdeutsch schreiben)

[metalhead]

morgä zämä
wünschä allnä ä wunderschönä tag

[Speed-Freak]

n'abig zäme *g*
mir brennt scho lang e frag uf de zunge wo evtl eine vo eu chönt beantworte also: gits irgend ei uuspuffahlag vomer ide schwiiz iitreit bechunt? ich mein jetzt nid nur remus endtöpf sondern richtigi ahlage...
ich denkes ja mal nid aber viellicht het ja eine vo eu nüme so ganz di original drunder? so. ich muen jetzt schlafe *g* guet nacht mitenand!
greetzzz André

[Alonso]

André;
Das giits scho, mou. Zum Bleistift da:
http://www.r-s-k-tech.ch/index2.htm Usfüehrig, Optik und Klang nach Wunsch. Je nach "Wunsch" ou MFK-Touglech. Isch denn eifach nüm ganz ir Priisklass vomene Remus - defür diräkt vo vorn bis hinder erhältlich

[Darklord]

Sammelbschtellig?!?

[Alonso]

Also ich für mi Teil ha das Projekt scho gstartet

[Darklord]

Cool. Häsch meh Infos, oder isch es no z früä ir Plaanig?

I hätt uf jedä Fall ou ärnschthaft Interässe, sofärn no irgendwiä zahlbar, legal und ordentlich 'offä'

[Alonso]

Bi mer momentan no nid ganz sicher, und zwar in 2 Pünkt;

1) Kat. Da giits leider nid viel schlaus wo sich laht lah prüefe. Dä Teil wird vermuetlech nid ganz MKF-Konform ände. Wird e 100 oder 200 Zeller wärde.
2) Usfüehrig. Entweder ei fette Pott, oder dezänti 2x2 Rohr. Leider wär ds 2x2 meh en Showeffekt, will niemals 2 ESD's Platz finde, und ou wenig Sinn mache.

Uf jede Fall wirds e Komplettahlag in Edelstahl ab Turbochnöi in 2.75 oder lieber 3". Ändet Finanziell bi max. 2500.-, wobii da scho dr Sportkat um die 500.- dervo usmacht. Laht sech natürlech mit gwüsse kompromisse ou billiger realisiere. Umbou brucht ca. 1 Wuche.


So gsehts bim Jaco us:



Am beschte schüsch mal ihn (Jaco) diräkt kontaktiere, är het e guete Draht i so Sache.

[Darklord]

Hmm, 'nid ganz MKF-Konform' bringt aber au nix, mä sötts scho chönnä iiträge lah. Isch doch dä Sinn, dass mer für't MFK nöd muäs go schruubä...
2.75" isch für eusi Leischtigä ja eigentli ou gnuäg, wär für mich keis Problem. 2x2 find i jetz scho 'chli proll, muäs auso ou nöd sii...
Dr Priis isch für ä kompletti Edelstahlahlag wohl OK, isch mer nachhär halt wider

Isch das dr Priis für äs Einzelprojekt? Wänn ja, dürfts doch für 3..4 Supras sicher echli billiger wärde?

[Jaco]

Zitat von Alonso

So gsehts bim Jaco us:

Am beschte schüsch mal ihn (Jaco) diräkt kontaktiere, är het e guete Draht i so Sache.

jup SO gsehts bim Jaco us (paar gnauri Bilder)

Also mit dä Alag bin ich absolut zfriede!! Sound und Durchzug isch TOP! Aber um ehrlich z'si sind d'Schweisnaht gar nöd suuber, also Mich persönlich stressts nöd, aber Min neue Metalschlosser
Mir isch es ums Guetachte gange und dass ich ab Turbo durchgehend exakt dä glich Durchmässer han (bringt optimali Leistig), i mim Fall sinds 2 3/4".... 3" bruchts au gar nöd!

Achja und so als Näbedinfo: Wo ich mini Supra zu RSK bracht han (mit komplett original Uspuffalag, also inkl Vorkat), han ich min Boostcontroller uf 0.8Bar igstellt gha.... wo ich d'Supra wieder abholt han, han ich mit em gliche Setting grad 1.2Bar gha, also 50% meh Druck. (Ich behaupte jetzt aber nöd, dass die Alag grad bi allne für 50% meh Ladedruck sorgt. Die meiste wüsseds ja: ich han en völlig andere Motor, Turbo, LLK usw.)

Zur MFK: Bi dä MFK chan mer aber trotz Guetachte nöd mit dä komplette Alag uftauche! Legal a däre Alag isch NUR ESD also die 2 Schalldämpfer nachm Hauptkat (au da müends 2SD si, chamer a dä Typegenehmigung entneh). Es erfüllt zwar d'Abgasnorm und bi Polizeikotrolle gits kei Problem, aber für d'MFK dörf höchstens d'Alag ab Kat anderst si.

[Alonso]

Naja, dr Plan wär die Komplettahlag mit em Seriekat go lah ihdstrage, und denn ir Praxis halt mit emene andere umefahre. Sött so zumindescht bi Kontrollene kei Problem gäh. Und uf d'MFK mues ma ja ou nid jede Monet 2 x 4 Schrube löse und ahzieh pro 2 Jahr nimi no in chouf

Das da isch dr normali Priis ohni irgendwelchi Konditione - Aber wie gseit, dr Jaco het en guete Draht

En Kolleg het dert mau en ESD für sin Pizzaschnitzer (Punto) lah mache. Isch damals uf rund 900.- cho, was ou absolut ok isch. So als Ahhaltspunkt für die Budgetbewusste

Wenn sich würklech es paar finde mit de gliiche Vorstellige, müesst me das mal genauer ahluege.

[Chrima70]

Hoi Zäme
I wäri au no interessiert, aber i han alt kai Turbo (!?) und sueche werklich "Budget".
Han au do scho mol wöle aafrooge ! Has aber wider vergässe.
Gruäss
Christian

[CrusaderMk3]

sali zäme,
bin letschde herbst bi dä RSk gsi, muess säge die schaffed würkli suber dört.
bin mer immer no am überlege öp i dört dä uspuff mache. än ESD fürd supra chostet dört glaubi öpe 890.- franke. was ich än super pries finde im verglich zum Rost-Remus.

gruess
Ralph

[Speed-Freak]

wow, ich bin echt erstuunt dass das möglich isch...
wen jetzt e sammelbstellig z'stand chunt, ab wenn wird die in etwa laufe? will ich muen zur ziit extrem ufs geld luege... huere sch... wiehnachte..
naja aber es wär scho geil und vorallem würs was bringe und mer müesst sich nid gross demit verstecke bide kollege vom bund
ich bin sehr interessiert, aber obi chan zuesege, weisse erst wenn en definitive priis staht..
thx und greetzzz andré

[Alonso]

Also ich sött so bis späteschtens ändi März en Lösig dran ha

Ich bezwiifle aber das mir viel wärde spare mit ere Sammelbstellig, will jedi Ahlag dert Handarbeit isch. Dahär chame niene würklich viel spare weme jetzt statt 1x 4x ds gliich muesse mache.

[Speed-Freak]

ja stimmt scho. ich hoffe dasi soviel chan uuftriibe. s'wer scho geil wemers chönt iiträge. ( die lösig mit 2x4 schruube passt mer au ganz gut ) und sust wüssets ja für spöter was sie müend zämeschweisse *lol*