der swiss deutsch thread(nur schweizerdeutsch schreiben)

[Alonso]

Isch würklech tiptop cho, und das zumene sehr sehr guete Priis Weni dänke wasi da schüsch albe ha lah liege für chli Karosseriearbeite.. Wirde sicherlich no öfters mal bi öich verbiiluege. Und när no i das ominöse Luna eis go zieh wird de sicher o drin liege

Du als Profi weisch sicher grad wie ni am elegantischte vom Motorruum us in Inneruum chume? Ha no es Powerkabel und e Leitig für e nöi Ladedruckahzeig wo da irgendwie düre sött..
Fahrersiite unter em Kotflügel gsehts vielversprächend us. Chumeni da vom Radchaschte us häre?

[Bleifuss]

Bimene AT würdi uf dr Fahrersite düre, dertä wo süsch ts Kuppligspedau wär.
U süsch gubs no ä Müglechkeit dört wo dr Kabuschtrang i Inneruum geit.

Du muesch eifach luege, das nid übernä schrfi Kannte geisch. I ha oscho gseh, das Lüt äs Loch bohret hei u dört när ts Kabu ohni Schutz dürezoge hei... so isch natürlech ä Kabubrand vorprogrammiert....

[Alonso]

Isch bir MT..

Da wird sech de scho irgend e Durchgang finde

I weiss was de meinsch. Bim Kolleg sim 306er Peugeot isch andurend d'Batterie dunge gsi. Nachdäm är jewiils d'Audioahlag het abghänkt, isch alles wieder in Butter gsi. Nach langem Sueche hei mer genau das vo dir beschriebene Phenomen gfunge. Är het es 35mm2 Kabel ohni (!!) Absicherig diräkt ad Batterie ghänkt. Und bim Durchgang i Innerum het sech langsam d'Isolation verabschiedet. Das hätt imene ordentliche Füürwärk chönne Ände..

[Bleifuss]

Genau, auso probier doch bim Kabuschtrang vom Motor zum Handschuefach.

[HöfiX]

zämäääää, was geiiiiiiit?

[Alonso]

Morge zäme

"Ich" geit jetzt afe mal ids Kafi Proscht und Rouch

[Bleifuss]

Morgä, bi grad amene ECAS (Elektronischi Luftfäderig) wo irgend ä Schtörig macht.

[streetfighter]

schön u i ga itz de ga suffe hei märit

[Alonso]

Apropos Luftfäderig; Bi de Amis gseht me ja öfters ds elektrisch verstellbare Fahrwärk i de MK3's (Original). Das hets bi üs nie gäh oder? Wär no cool..

Erm ja, ha vori grad mi Chüeler nomal ahgluegt.
Dä het offebar nie würklech Druck ufbout.. Dä Techel wo isch druf gsi, isch prompt der Falsch (Dä woni präventiv als Ersatz ha kouft natürlech ou)! Zum Glück bin nid meh umegfahre mit diesere..

Dr Flansch obe isch bi mim Nissens-Chüeler us Kunststoff, und scho ziemlech us .. Obwohl dr Chüeler an Sich no nagelnöi usgseht.. Giit mer grad chli ds dänke.. Hoffentlech chöme da nid no meh so sache füre..

Ga mol schnäll bi Toyota-Burgdorf verbii, wenn sie grad kene hei wirdi wohl am SA ds Murte uftouche

[mhcruiser]

Zitat von Alonso

Apropos Luftfäderig; Bi de Amis gseht me ja öfters ds elektrisch verstellbare Fahrwärk i de MK3's (Original). Das hets bi üs nie gäh oder? Wär no cool..

Nee, sigi schins grotteschlächt das Fahrwärch, hami da o mau drum ta, nöi choschtets öppe 4'500.- CHF occasion fingsche aber gnue wüuse niemer wott

Das mit dim Chüeler, wed nid grad uf dütschi outobahn geisch ga heitze oder quer dür d schwiz fahrsch de isch das nid so schlimm, dür die 0.9bar überdruck wo z system normalerwis het, faht z Wasser ersch bi 115°C afa choche. Wed jetz ke druck hesch de würds aber scho bi 100°C afa choche, wed aber nid z gäi fahrsch de wird z Wasser nie 100°C

[streetfighter]

morge
ou isch das a märit gsi
itz mau zum kolleg u entlich mini cd cover ga drucke
das die ner hinech fertig si

[mhcruiser]

Du kilu, was isch eigentlech mit dim BMW, i dire Sig. isch doch mau öppis vo 200PS gstange? Jetz sis numeno 186

[streetfighter]

ja das isch dr anger gsi ha scho wieder a angere

aber dä definitiv
isch a orig hartge H23 mit ebe 186 ps
louft wine sou
u dä isch itz mis neue rennwägi
jg 85 no ke kat gar nüt das louft u louft ebe wine sou

[Alonso]

Morge zäme

[mhcruiser]

Wi gsehts jetz us mit dim Chüeler, gsehtme di jetz am samschtig z Murte?