der swiss deutsch thread(nur schweizerdeutsch schreiben)

[RogerMKIV]

Zitat von Bleifuss

Pourquoi, qu'est-ce qu'il y a contre cette langue?

Parli l'italiano?

WTF ?? heeeee schwiizerdüütsch

[Alonso]

Bonjour pierrot, bonjour pierrette

[Bleifuss]

Si emu o schwizer Sprache....
U o die hei Dialäkt

[Bleifuss]

Morge mitenang

No 1 Tag Kurs, de isch das o ume düre (bis i Mai emu).

[RogerMKIV]

Moorge Zäme.

So no bis am 3 und den 5 Täg frei

Und am Samstig gahts ab an Bodesee

Allne en schöne Tag

[Alonso]

Morge zäme.
I ha mi MFK-Termin dazumals wäge ziitmangel mal uf Ahfang Mai gschobe - u geschter Abe mit grossem Schreck festgstellt dass das ja scho nächscht Mittwuch isch

Gmacht hani natürlech no immer nüüt dran, ussert letscht Herbscht mau d'Batterie ahghänkt füre Winterschlaf
Fritig isch mi einzig Tag woni no ziit ha für mi Wecker bis denn - i befürchte chli dass das e längere Tag chönnt wärde

[mhcruiser]

Tschou Zämä!
Tja Mike, du chönntsch ja dr Termin no einisch schiebe!

[Alonso]

Das isch mi Plan B wes nid klappet :-) Aber wie ig mich kenne mache när eh wieder nix dran bis dr nächscht Termin unmittelbar vor dr Türe steit

[Alonso]

So, Supra isch bereit, volltanked, gwäsche und steit vor em Huus. Isch allerdings ganz schön längwilig mal wieder "original" ds fahre...

[Supralord22]

naja du kasch wenigstens fahre ... mini mühle lauft na immer nit .

i ha d fakse dicke ... alli sage ja i luge und goh duett nütt .

[Bleifuss]

Guete Morge!

So, no ä Kafi u Dusche. När as Slow Up....

[mhcruiser]

Tschou Zämä!!! Wär het sech aus no nid agmäudet?

[Alonso]

Sodeli, MFK bestande - keni technische Mängel

Sehr coole Typ gsi, woni bi ichegfahre hetter afe mau gmeint das sige eifach sacho schöni Outo, er beröis immerno das är sini Supra verchouft heig. Als Fazit hani drus zoge dass är das Outo kennt unds wohl diskussione würd gäh - aber gar nüt. Het Fröid gha, bsunders am Chüelsystem und dr fählende Klimaahlag. Alles andere hett ne eigentlich nid mau so interressiert

Als einzige Punkt zum behebe giits nume mini Wächselnummerehaltig für die länge Nummere, wo halt konstruktionsbedingt ds Nummere vor dr Belüchtig hanget. Är het gmeint i söll mi doch mal im Internet drüber informiere was bimene Verluscht vore Nummere ds mache isch - mit emene Zwinkere.
Aber das sig natürlech nume e Gedanke u ke Typ vo ihm

So - und jetzt wirdi mich no grad für Murte "offiziell" ahmälde..

[Bleifuss]

Guete Abe usem Tessin

Chüu Lönsu

[RogerMKIV]

Morge mitenand.

Hoffe s Wetter blibt so, den gits no e "oben ohne" Rundi

Allne en schöne Tag und fahred nöd zschnäll