der swiss deutsch thread(nur schweizerdeutsch schreiben)

[mikezzz]

Nei, dä Unfall isch ersch in Bärn gsi... aber scho vorhär hett linggs mir ghört... und eim, wo gfunde hett: was dä da vore mit der Supra cha, cha ig mit mim Fronttribler ou...

[Alonso]

Morgezäme

Also o mit emene Fronttriebler chunnt me guet dür Bärn bi däm Wätter

[mikezzz]

Das gloubi der sofort... Aber geit o mit der Supra guet... Aber de chunnt e Frag via Mail vor Klinik:

"Mini Supra blockiert mit de Vorderräder, weni uf Schnee oder Isch brämse. Chas si, das äch der Brämschraftverteiler kaputt isch und ig zviu Bremsleischtig uf der Vorderachs ha?"

D Klinik Jungs wüsse, vo wäm das chunnt... hei mer ja o scho mit ihm diskutiert gha...

[Bleifuss]

Morge mitenang!
Mir isch vor Dotzige ä Corsa useme Bitz use entgägecho....

[lukas85]

Zitat von mikezzz

Das gloubi der sofort... Aber geit o mit der Supra guet... Aber de chunnt e Frag via Mail vor Klinik:

"Mini Supra blockiert mit de Vorderräder, weni uf Schnee oder Isch brämse. Chas si, das äch der Brämschraftverteiler kaputt isch und ig zviu Bremsleischtig uf der Vorderachs ha?"

D Klinik Jungs wüsse, vo wäm das chunnt... hei mer ja o scho mit ihm diskutiert gha...

Auä eher ABS usser Funktion.. Hani ou gha, aber uf Teer bi 30 Grad +, ned uf Iis.

[Bleifuss]

Nüt.... ABS isch definitiv ganz u aues funktioniert wis söu.

[lukas85]

Funktionierts immer oder mängisch? Mis het immer funktioniert, usserd denn woni heftig brämst ha. (Wackelkontakt)

Bi welem Tämpo isch denn das passiert? So ab Schritttämpo abwärts setzt s ABS nüm i. Brämse sind i.O.? (Nid fescht?)

[Bleifuss]

Isch normau, dass t Supra (AT) eim im Schnee übert Chrüzig schiebt. Mi mues haut o i "N" schaute.....

[lukas85]

Het die tatsächlech so wenig Brämsleischtig hinde?

[Bleifuss]

Hinger brämseter ou nid, sondern schiebt. Heisst, Brämsleischtig isch chliner aus Atriebsleischtig vor AT.

[lukas85]

Speziell. Mues mol mit mim Alltagsauto teschte öb de das au macht. Wär mer aber noned ufgfalle.

[Bleifuss]

Passiert nume bi 2 Kanau ABS......

[lukas85]

Zitat von Bleifuss

Passiert nume bi 2 Kanau ABS......

Meinsch Du jetz 3 Kanal oder hani öbbis falsch im Chopf? D Supra het doch Front trennt und d Hinterachs als ganzes agstüüret?
Us welem grund passiert das ned bi 4 Kanal ABS? Mues mol luege öb mis Alltagsouto 3 oder 4 Kanal het..

[Bleifuss]

Wüu bi 4 Kanau aui Redli reglisch.
Bir Supra tuesch vore löse u hinger atribe.... u scho bisch übert Chrüzig us. Wenn aber uf "N" schteusch, äbe nid....

[lukas85]

Zitat von Bleifuss

Wüu bi 4 Kanau aui Redli reglisch.
Bir Supra tuesch vore löse u hinger atribe.... u scho bisch übert Chrüzig us. Wenn aber uf "N" schteusch, äbe nid....

Aber im Stand döf doch das Ding nid löse? Wenn natürlech vorne d Rädli kei Haftig händ esch klar dasses witerrötscht