der swiss deutsch thread(nur schweizerdeutsch schreiben)

[mikezzz]

hie redt me o schwizerdütsch. wenn eine wi du da drischribt, de wei mer vo nüt meh wüsse...

[mhcruiser]

So geit doch, es läbä doch no es paar

[Speed-Freak]

saliii zäme.
schöne tag gha?
s'gaht langsam ufs weekend zue, die lüt vode abb sind nur na am chille de ganz tag *gg* isch eifach nur geil die z'studiere... die mached so wenig wie nur möglich. det dörf mer ja nid zviel schaffe, sust fallt mer uf

[Full_Throttle]

Haha ja guet das kenn i vo de Bank her au - ghörsch fascht jede hin und wieder so still vor sich hiiflueche vo wäge "verdammt, das chan doch nöd sii, chuum han i das einte fertig, ligged 3 neui "uufträg" uf em tisch *heul*

Aber miin liebling (und das isch ironisch gmeint) isch eine i de Abteilig, de Fluecht amigs dass es mir schier us de Ohre use blüetet, denn staht er uuf, lauft wie es tier hin und her und dreht schier dure, mer chent meine er schaffed soviel wie 3 lüüt zäme....aber gäll, jede Morge erscht so gäg di 9i iitrudle und a 3 vo 5 aabige gaht er vor de foifi hei...naja zum glück muen ich nöd s'gliiche Produkt bearbeite wie er, drum isch's mer voll egal

PS: Was isch mit em Dänu los, isch'r hüt nöd ume gsi ? het no e PN woni antwort erwarte

[Speed-Freak]

bide ABB isches so: aso ich schaffe nid fürd ABB sondern fürd Simatex in wängi, mir helfed de ABB type eifach... aso am morge am 7ni abfahre in wängi, je nach verkehr simer denn so ca 8ti oder früehner det. am viertelvor nüni isch schomal pause *g* denn isch so halb 11i namal e viertelstund pause und denn am 12fi. am eis gahts wiiter... langsam, nur nid übertriibe nachem mittag... und am halbi 3 isch denn namal e halb stund pause... und denn am 4i isch so ziemlich keine meh ume, drum gömer denn amig zrug id bude... eigentlich lohnt sich's afange schaffe det gar nid. es isch voll schlimm. all klööned sie heged sooo viel arbet, gönd aber sicher all stund go pause mache. und denn aber nid nur churz eis rauche oder so... neinei. da muemer e viertelstund quatsche aber easy. mir ischs egal eusi ziit isch zahlt, vo dem her,...

[mikezzz]

eh, sicher geit hie geng chli öppis... und ja, der dänu isch z italie übers wuchenändi am töffli-fahre...

[mhcruiser]

Morge Eidgenosse!

[mikezzz]

Guete Tag

Hinech bim Öski?
Das heisst, hinech isch ja der Gratis-Egger-Bier Tag im scharfe Egge...

[Full_Throttle]

Jo zäme, endlich dehei.... rächt strenge Tag gsi hüt

Möcht a dere Stell nomal bi allne Danke säge für ihre "iisatz", zersch de Alonso wo netterwiis am 9 mich empfange hät (nöd sälbstverständlich, ame Samstig so früh uufstah !!) und mir zume super priis 2 Original Boxe plus jenes Kabel gäh hät !

Und natürlich danke an Cruiser und Mikezz für installiere vom Autoradio plus Boxe, isch echt fett wieder chöne sound lose bim fahre
Und Downpipe vom Steeler händs ( teils hät de öski au no es "bitzli" ghulfe ) au inere Rekordziit inebaut, lauft sowiit also tip top, tönt jetzt doch einiges Voluminöser, und sie zieht uf de Autobahn miinere Meinig nach unter Turbo-iiwürkig au besser

Und bzgl Tacho-saite.... uf höchi Bade hät's es sie verbrötlet hehe...nöd ganz bis uf Züri cho (heisst das jetzt ich röschte z^schnäll....? )
Interessants Gfühl dur d'gägend fahre und de tacho zeigt 0km/h...het mi es paar mal verwütsch dass i so us em augewinkel uf de Tacho glueget han, und dänkt "wow geil bin ja gar nöd so schnäll !!" churz uf Tube druckt und denn gschnallt dass de Tacho ja am arsch isch haha


Also nomal DANKE an eu all, isch echt SUPER chöne uf d'Hilf vo eu zelle, und s'medium chan sich mal is chnüü fi**e vo wäge abzockerei, dene Supra Jungs muesmer s'geld fascht uufzwinge

Negscht mal denn de mobili Penner schlafplatz....ähhhh de Endtopf anemeche....und evtl e neui Tacho-saite ? händ ier das..? und gägemassnahm dass es sie nach 50km wieder dureschmoort ?

Gruess,
jan

[Steeler]

Hoi Jan

Freut mi das Pipe würkig zeigt. Wäg de Tachowälle, das prob. hani au gha. Mär händ führig umgleit und's kabute stuck verlängeret Isch wieder OK. Gib emal en Funk dän chomers duregha. (bi so um die 3 i der Allmänd une)

[mhcruiser]

Hmmmm, mal guksen... weiss no nid...

Hehe, scho mau d netiquette vom Wanom gläsä? Da weisch de was sach isch, 80% von aune lüt wo chatte si straftäter, psychisch chranki u süschtigi weis i was für schlächti mönsche

[mikezzz]

Eh sicher. wes gratis-flüssig-ernährig git...

nei, aber gani grad... warschinlech wäge mim itrag, woni is gäschtebuech ha wöue mache...

[mhcruiser]

Und scho gläsä, was hautisch dervo?

[mikezzz]

Das woni scho lang vonim haute: Er isch e Schizophrene, ganz fescht chranke Mönsch, wo dringend Hiuf bruucht... Uf der andere Site findenis ganz ungerhautsam...

[mhcruiser]

Zitat von mikezzz

Uf der andere Site findenis ganz ungerhautsam...

Richtig, so gsehni das o! Arme Minimum-7