der swiss deutsch thread(nur schweizerdeutsch schreiben)

[Alonso]

Ah okay, isches wenigschtens ohni (diräkti) Folgeschäde bliebe?

De het me de uf dr Tour spektakuläreri Variantene ghört, vo platztem Chüeler, Dampfwolke etc..

[mikezzz]

Guet, e Dampfwolke heigs scho gä, hani ghöre säge...

[Alonso]

I gloube i bi eifach ds wiit vorn gfahre, da het me vo so Sache nid viel mitübercho

I bi uf jede Fall positiv überrascht gsi vo mir Supra. Die erschti grossi Fahrt ohni Zicke überstande; öl nie über 110°C und s'Wasser immer schön im untere Drittel. Nume d'Kupplig het no immer wenig Sympathiepunkt chönne mache. Ahfahre am Bärg macht ja nid würklech Spass..

[mikezzz]

Ja, das isch müehsam. Ig liebe mi Outomat... isch haut vilech nid ganz s gliche bim umeröschte, aber trotzdäm...

[HOEFI]

Dräcks Sunnebrand xD!

Joa, s'heifahre isch gmüetlich gsi. Chum Verkehr und das mit dr neue Westumfahrig isch ächt e gmüetlichi Sach! Bi glaubs no nie so schnäll vo Chur dihei gsi, ohni jemols annähernd mit Blitzergschwindigkeit zfahre ^^. Mir händs ganz gmüetlich gnoh .

Ja ich bin denne grad 1 Auto hinter em Bleifuess gsi und isch also nöd so extrem gsi wi zum Teil verzellt xD. Han nur gseh, das es liechts Rauch/Dampfwölkli vor Motorhube här chunnt, bir nöchste Kurve ischer nachane usegfahre und han eifach e nassi Motorhube gseh. Mir sind nachane halt wiiter hölzt, meh hani nöd gseh.

[Alonso]

Höfi;
Hmm, was hesch du so uf dim Tacho gha? Nach mir simer eigentlich so konstant mit +20 unterwägs gsi..

[HOEFI]

Zitat von Alonso

Höfi;
Hmm, was hesch du so uf dim Tacho gha? Nach mir simer eigentlich so konstant mit +20 unterwägs gsi..

Nach Tacho hani max. 140 (GPS ca. 130) druffe gha, de bisch aber meistens am überhole gsi. Bisch im 120er-Bereich meh mit Tacho 120-130 (GPS ca. 110-120) unterwegs gsi.

I de 100er und 80er Zonene hets grad mitem GPS überigstumme, dorum hani mi au nöd bemerkbar gmacht, als mis Navi stationäri Blitzer gmältet het ^^.

[Alonso]

Oh, de muesi dringendscht mau mi Tacho nöi justiere

Und sorry für die langsami Heimfahrt i däm Fall

[Timber]

TIPTOP !!

[HOEFI]

Zitat von Alonso

Oh, de muesi dringendscht mau mi Tacho nöi justiere

Und sorry für die langsami Heimfahrt i däm Fall

Ja demfall wärs e mol noche ! Passt scho , weni schnäller hät welle fahre, hätti scho überhollt, het aber grad chli es gwüsses Mass an rueh dribrocht, nach dem Tag .

[Alonso]

Das hoffeni doch

Ha scho gmerkt das mi Tacho chli groszügig isch, aber grad mit soviel Abwichig hätti doch nid grächnet

[mikezzz]

Isch doch glich. Git chli meh Reserve...

[HOEFI]

Zitat von mikezzz

Isch doch glich. Git chli meh Reserve...

"Pssst" gib rueh und gang chli go graase !

[mikezzz]

Isch drum eine vom Sunnti morge, wo der Dusko de Chüeh nochegsecklet isch, wo si über d Wiise gloffe... Denn hett der Onkel Jens gmeint, die schliichi sich de a für sech z räche... Und wo s Argument mit de Glogge isch cho hett er gmeint, die tüege se dänk hebe... uf das abe hei mer fasch nümm chönne schnufe vor lache...

[Alonso]

Wie het sech dr Dusko eigentlich dieses Jahr ghalte? Wenn ich da so ads letschte mau Chur dänke..