der swiss deutsch thread(nur schweizerdeutsch schreiben)

[Speed-Freak]

Ja damals bini eifach zu guetgläubig und naiv gsi. Aber wie gseit, mer lernt zum Glück.

Ha d'Supra nur us Platzgründ weggeh und das würi nie meh mache. Mini Frau und ich hend zur Hochzit en 88er Chevy Camaro übercho vo mine Eltere (en riese Fehler gsi das Auto) und ich han de Platz bruucht. Kurzschlussreaktion wiemer so schön seit. Janu das isch Vergangeheit.

Findes cool, dasd de Supra treu bliibe bisch.

[Speed-Freak]

Han grad mal es paar alti Biiträg vo mir glese ^^
Ich han gar nüme gwüsst, dasi mal en Aluküehler bi Dir bstellt han Mike
Ich glaub nid, dasi de no ha chöne verbaue... und sust wüsstis nüme

Was mer nid alles vergisst

[Alonso]

Hehe, das isch e legendäri Bstellig gsi damaus. Übercho hesch ne aber hoffentlich scho?

Was isch de mit em Camaro gsi? Isch ja grundsätzlech ou kes schlächts Outo :-)

[Speed-Freak]

Ja luut dinere Liste hani sie abholt gha ^^
Ich mag mi würklich nüme dra erinnere... scho witzig.

De Camaro isch scho au cool gsi. Aber ich persönlich finde d'Supra s'bessere Auto.
De Camaro het mit sim 5l V8 eifach fett Drehmoment glieferet (und Sound). Das isch aber au scho alles gsi.
Nachdem d'Zündspuehle hinüber gsi isch, hani am Camaro en neue Motor gönnt. Am Afang isch es Budget vo 5000.- besproche worde mitem Mech. Nur scho wo de Block denn glieferet worde isch, sind plötzlich 7500.- gsi. Da sichs debi um en bearbeitete 6,2l ghandlet het (alles neu und würklich guet gmacht), hani mi überede lah.
Schlussendlich hani für alles 11000.- liege lah und bin eimal demit uf Mollis anes Treffe gfahre. Denn isch min Sohn ufd Welt cho, s'Auto ide Garage stillgleit und irgendwenn denkt: Es lohnt sich ja nid, also verkaufe.

D'Käufer sind vom Wallis zu mir uf Pfunge gfahre, sind 1h (!!!!) go Probefahre, hend Auto für guet befunde und hends denn für 5000.- erworbe. Ich han dene de ganz Umbau offegleit mit Dokument und und und. De alt Motorblock hends au dezue becho. Mitem Camaro sinds den is Wallis gfahre.
Zwei Tag spöter hani es SMS becho, dass de Camaro immer heiss wird...
D'Käufer hend denn behauptet de Camaro heg en ZKD schade gha (zum Glück bini ja scho selber ZKD gschädiget, also hetti das sicher gmerkt) und hends Geld wieder wele.
Es isch denn so hin und her... es mega Theater gsi. Ich bin froh gsi, hani e Rechtsschutz, die het das greglet.

Du gsehsch: De Camaro het mer nur Ärger gmacht ^^
Aber cool usgseh heter scho