der swiss deutsch thread(nur schweizerdeutsch schreiben)

[Bleifuss]

Würdi nid säge nei, chunnt haut ou drufa, wo dr Hobu schteit.
Ig ha mine z.B. bim Töffmech im Eschtrig. Dettä nimenine its de ou ume usenang für 2 oder 3 Sache ts mache.
Mis Fahrwärch z.B. isch scho fasch 2 jahr mitem gliche Öu ungerwägs, das muesi ganz sicher wächsle, isch sicher ä huere Brüii....
U scho allei für das isch dr Zentrauständer natürlech Crèmä!

[mikezzz]

saletti

göht doch ines töff-forum ga diskutiere, jungs... tststs...

gruess

[Alonso]

Genau, findi ou

[Supramaniac]

Zitat von Bleifuss

Würdi nid säge nei, chunnt haut ou drufa, wo dr Hobu schteit.
Ig ha mine z.B. bim Töffmech im Eschtrig. Dettä nimenine its de ou ume usenang für 2 oder 3 Sache ts mache.
Mis Fahrwärch z.B. isch scho fasch 2 jahr mitem gliche Öu ungerwägs, das muesi ganz sicher wächsle, isch sicher ä huere Brüii....
U scho allei für das isch dr Zentrauständer natürlech Crèmä!

dr hobu steit bi mir im velo-ruum, isch schön troche u warm
tue de all monet chli am vorderrad träie, damits ke standplatte git.

hm.....das mitem öl - wächsle machsch aber ou nur wüll uf d'strecki geisch oder?
wüsst itz süsch niemert wo das scho gwächslet het. dänke bi mim hobu isch ou immer no das öl drin vom fahrwärk siit er produziert worde isch

[Bleifuss]

Genau das isch s Problem wo viu gar nid wüsse...
Du wächlisch ja s Öu vom Motor aubes ou oder?
Wieso de nid s Öu ide dämpfer?
Isch im Fau immer ä huere brüii, u wemes suber nöi macht, de merksch da meh dervo aus wenn dr Ofe tunisch...

Mis Fahrwärch lani z.B. immer vo eim la mache, wo süsch s Fahrwärch vomene WM-Langstrecke-team macht.
Ä ächti Kapazität dä Maa!

Guckscht Du:

Gable-Service

Fäderbei

[HöfiX]

Zitat von mikezzz

saletti

göht doch ines töff-forum ga diskutiere, jungs... tststs...

gruess

wiso? darf mä da nüm über ständer disskutiärä?

sorry.... ha haut scho zwo bier gha....

[Bleifuss]

Ig ou....

[Supramaniac]

@dänu

hm ja, das tönt schlüssig. aber lohnt sich das bimne serie-fahrwärch?
chunnt dä ganz service de nit öppe gliichtüür wie wenni grad es neus, bessers
wür inetue?

[Alonso]

I gloube es brüchti no e Swiss-Deutsch Ständerthread

Was het d'Klinik eigentlich für Öffnigszite über d'Firtäg und ir Altjahrswuche?

[Bleifuss]

Auso ig zahle für vor und hinger (auso Fäderbei u Gable) ca. 600 schtei.
U mi Fahrwärchfuzzi tuet ou mau öppis verbessere wenn nötig oder müglech.

Äs Top Fäderbei nöi (z.B. Öhlins) choscht für mi Hobu allei 2800.- Schwizer Hämmer...
Man rechne!

U sit ig mis Fahrwärch gmacht ha, hani ou das Pumpe bim usebeschleunige nümme....
Us Abrämse us Hochgschwindigkeit isch ou viu agnähmer.

[Bleifuss]

Zitat von Alonso

I gloube es brüchti no e Swiss-Deutsch Ständerthread

Was het d'Klinik eigentlich für Öffnigszite über d'Firtäg und ir Altjahrswuche?

Its bini haut i mim Elemänt...

[Supramaniac]

ja guet, das isch de scho e chlini differänz bi mir chömme aber de no d'chöschte für dr usbou vo dr gable u em fäderbei derzue. auso ca. 1200.- (inkl. wiederibou vom mech) wär das realistisch?

würd se de bi mim mech usboue lah u i dänke i chönnt das züüg de em andere schike oder?

jaja, bi üs faht dr apero ersch am 16h ah

[Bleifuss]

Das müesstisch de mitim säuber aluege.
Ig mache haut aues säuber a mim Baby.
Gable u Fäderbei usboue ghöre no zu de liechtere Üebige.
Fröiemi scho ume chli ts schrüble a mire Macchina!

[Supramaniac]

ja, i müest mer haut mau es wärkstatt handbuech bsorge für mini machina.
eifach so ohni unterlage würdi mi nid getroue das züüg uszbaue.

[Bleifuss]

Wenn nid sicher bisch würdi sowieso nüt dranne mache.
Wüu wenn ä Maschine uf dr Pischte fahrsch, geit das no grad chli meh as Materiau aus uf dr Schtrass.
U wenn öppis nid richtig gmacht isch, chas la ga uf dr Pischte.
U de wirds meischtens ganz unagnähm....