der swiss deutsch thread(nur schweizerdeutsch schreiben)

[mhcruiser]

Für üs wär natürlech müglechscht spät no guet, auso villech so am 2 ga, am 3 det si u gäg di viere wider hei, de bisch am füfi ono z ins, chönntsch ja villech d usrüschtig scho mitnä...

[Bleifuss]

Morge.
Wenn isch ume Sitzig?

[mikezzz]

Namitag

So, mäude mi wider a im Zivile. Der Chrieg isch gwunne, keini Tote und nume weni verletzti.

Gruess
Züri

[Bleifuss]

Guete Aabe.
Its weisi immer no nid, wenn das ume Sitzig isch. O dr Mh het nid me gwüsst.

Sososo, dr Chrieg isch gwunne... das heimer ou immer. U glich heimer ume müesse ga.... i Chrieg....

[mikezzz]

Guete Morge

Ja, ig bi ja ou nid derbi gsi ar letschte... Süsch tüe mer hinech bim Öski de fangs mau chli brichte...

Das mit em wider gah stimmt... git haut geng nöii Konflikte... aber nümm mängisch...

[mhcruiser]

Nächschti Sitzig isch am Samschtig wüu mi brüetsch die Wuche nid da isch...

Wemer wei chöimer natürlech hinech scho chli sängärä...

[Jaco]

finally..... Jaco has come back to swiss thread!!!!

sooo wie laufts bi euch?? langsam au wieder am uftaue??

[Bleifuss]

Michu, i chume hinech zum Öski, u öppe uf die 7ne chunnt dr Roscher bi mir 2 Töffe cho lade. Nächer hani abgmacht mit de Eutere vom Bineli. Het ja gheisse, am Tsischtig si ke Sitzig.

Am Samschtig weisi nid obi cha cho, wüu ig ha abem Frittig abe mi Tochter. Vilech simer de denn wäg oder uf de Schi oder so. Ke Ahnig.
Wenn wärs de, am 5i ume am Samschtig?

[Full_Throttle]

Hoi zäme ! Ich schriebe mal öppis am Namittag da ine !

Ich mues am nägschte Mändtig am frühe namittag uf's strassi go miini Supröse zeige, stichwort Aasugrohr + Uuspuff.

Uuspuff isch i.O, dank de Hilf vom Steeler ("Lieferant"), Alonso ("Verarbeiter") und em Daniel ("Location")

Aasuugrohr: Miis alte original isch unbruchbar, da Teili verschnitte... jetzt chunt miini Frag: Ich möcht keis neus Original-set chaufe nume für d'vorführig... hät irgendöpper no es voorigs aasugrohr, bzw diä Gummiteil wo's dra hät (di härtplastik- und metallteil han i no) woni günschtig chent abchaufe ?
Wür mer au scho lange di teil nume uus z'lehne...

Ich het direkt de Höfix/Cruiser oder bleifuss gfröget (sprich Supraklinik) aber nume für es aasuugrohr find i de wäg uf Murte fascht bitz übertriebe.

Obwohl i halt mues luege ob i e lösig finde diä wuche... falls ier in Murte so teil hetted ( schlachtsupra ?) müsst i denn halt gliich mal wieder in Röschtigrabe fahre

[Bleifuss]

So öppis heimer sicher ume ts lige.
Wi wärs mit Leihweise u per Post?

[Alonso]

Jan; Mis alte "müesst" no umeliege, theoretisch komplett. Isch aber o bis da es rächts Stück.. Chas schüsch uf d'Poscht schmeisse, dörft allerdings chli knapp wärde bis zum Weekend

[Bleifuss]

A-Post morn use oder ou am Donnschtig u är hets am Frittig...
Hie vor Bude us kes Problem.

[Full_Throttle]

@ Bleifuss: Wenn das chöntsch morn uf d'poscht bringe ohni grossi umständ denn wär das für mich di absoluti toplösig ! Würd natürli d'teil umgehend zruggschicke sobald alles i.O. isch bzgl Strasseverchehrsamt. Chasch mer per PN suscht no mitteile was de versand koschtet hät, denn chan i s'gäld in es couvert stopfe und zäme mit de andere teil zruggschicke denn.

Falls lieber in Naturalie (sprich: BIER, non-feldschlösschen) vergüeted wirsch, chan i das natürlech au iirichte.

@Alonso: au dir danke für das flotte aagebot, aber schiint es isch fasch eifacher für de bleifuss, das vo der arbet uus z'schicke, als wenn du zersch no muesch denache sueche und denn ziitlich no in druck chunsch mit verschicke.

Falls ok chunt vo dir Dänu, schriib i dir denn d'adresse per PN. ich wirde etz denn glii gaa da voder arbet, checke denn nomal deheime s'forum ab ( nur falls nöd gad e antwort chemt jetzt denn...)

Gruess,
FT

[Bleifuss]

hei jan, ig ha natürli am 5i füürabe. Bi zwar bim Öski gsi, aber ha no nüt mitgno.
Isch aber kes Problem, i ga hinech ono hurti zum Öski!
Ig mues eifach wüsse, was genau aues bruchsch!
Us Dim Beschrieb wirdeni nid ganz schlau.

Bruchsch Du vom Aasug ts Ghüs vom Luftfiuter bis uche as 3000iger Rohr?

Wüu ig cha das hinech no schnäu useschrube oder mitnäh vo eim, u de bringsch ar klinik eifach mau äs 10er Pack CARDINAL oder 2...

[mikezzz]

Guete Tag

Jan: am beschte grad 3...