der swiss deutsch thread(nur schweizerdeutsch schreiben)

[lukas85]

guete Morge

[Bleifuss]

Morge die Herrä

[mhcruiser]

Morge!

[Alonso]

Morge zäme

Hui hei mir hüüt es tolls Klima ir Bude 95% vor Belegschaft schiine arg verkatert

[metalhead]

guetä morgä!
es git nüd schöners als bi -11grad am morgä
ga schaffä

[Bleifuss]

Geschter Raclette... hüt Raclettte.... morn Raclette.....

[Nachtmahr89]

So also was ich bis jetzt niena gseh ha isch mis gliebt wallisertitsch..naja vili bini ja eu dr einziga??? Also mal Salü zämu ier Wildu Supra Fahrer...Hehe ioch ha dischi Wucha mal Bekannschaft mim Bleifuss Gmacht wenn er zu isch ind Garage cho ischund ja da hani de eu so erwähnt das ich 2 supra han...en blaue 89 mit 150 000 km und en wissa 88 249500km. beidi sind Targa modelli und hend handschaltig...dr blau hed eu lkima und läder dri...

Ja z problrm an dennu beidi isch...dr wissa faht mit ca 2000 u/min afa chlepfu...(chleffle) und ja dr balu brüchti nur en niwi zkd...aber leider hani geschter gmerkt das dr zk.zvil unebuheite hed wahni de nu eina müess organisiere...

ja nu eppis uber mich ich bi 18..und dr Supra isch eifach mina troim...und alli wah sägund mit 18 en 3 liter turbo chunnt nid güet...hed biz falsch bi mier chunnt das güet...mim 3 liter bmw vom papa isch eu nix passiert..in der garage miteme Jaguar eu nid...und soo witer....

[Bleifuss]

Morge dir Seck!

@Nachtmahr
Sälü! Schön heschdi scho agmäudet!

Dr Zylinderchopf chasch problemlos hoble! O wede 0,5 mm wäg hätsch, isch das no kes Problem!

[mikezzz]

Guete Morge auersits. Si hoffentlech a däm 24igschte aui fit und zwäg...?!

@lukas: isch cool gsi, bisch verbi cho. hoffe, dass der wind nümm so fescht het ineblaase

@full throttle: und wie geits em tacho und de schibewüscher?

@Nachtmahr: Härzlech willkomme bi üs verruckte... Ja, Supra isch haut scho e tröim... und hüere güet... ;-)

[Bleifuss]

Gratuliere zu Dim 500ertschte Bitrag Züri

[Alonso]

Guete Vor-Katermorge allersiits

[Full_Throttle]

Morge zäme !

Sehr schön, nüme lang schaffe und denn gits scho wieder 2 freii täg

@ NAchtmahr: Willkomme Du Walissr !

@ Züri/Haube: Es isch wie en traum, d'gschwindigkeit wird wieder aazeigt ! Ich bin mir scho gar nöme gwöhnt, uf de Tacho z'luege hehe.
Han im Nachhinein festgstellt dass i uf de Autobahn meischtens mit 130 - 145 unterwesg gsi bin (3000 - 3200 U/min) also gar nöd mal so schlächt iigschetzt, d'gschwindigkeit !

D'schiibewüscher gönd au immer no, obwohl de eint nöme so schöne suuber macht wie vorher, aber das schaffi scho mit bitz aa- und abschruube und teschte

Ich han s'gfühl ich heb voll de Luxusschlitte jetzt, sogar d'heizig funktioniert s'erscht mal sit i s'auto han ! wenn i chalt iistelle, chunt tatsächlich chalti luft ! En traum

Und de Propfe womer de Öski het inetue würkt ja wunder haha, s'gas isch gad viel sensibler irgendswie, und d'Lady lauft besser.

Alles in allem, wieder einmal meh bin i absolut zfriede mit de Supraklinik, ich wüsst nöd was i ohni eu wür mache ! obwohl's guet 150km distanz isch, chunts mer immer no einiges günschtiger als wenn i mit all dene "Sörgeli" müst ine Toyota-garage *schauder*

@Lukas: Cool gsi dass cho bisch ! Immer schön e neus Supra-mitglied känne z'lerna ! Und bis zum negschte Supra-träffe häsch denn sicher au scho es paar "upgrades" a diinere Dame dra

@ Bleifuss: Ich hoffe du bisch nöd z'hert drunder cho bi de Fründin

[Bleifuss]

@Jan

nenei, das hetsech bis am Aabe ume erlediget gha.

@Klinik
Scheisse, immer no Öutropfe...., aber nume no weni. Schiint so, aus wäri dr Öuchüeler ono grad zur Emma... hani de nie Rueh vor däne Schissöutropfe?

T Rohr schiine guet ts si....

So i klinke mi its us, ga de Nami no churzchurz it Klinik.

Häppy Kadaver aune, oderso...

[lukas85]

@mikezzz: het mi au gfröit =) de wind het nume no rächts chli blose. Det esch jetz aber au rueh. Esch wie neu

@jan & alli andere wo det gsi send:
het mi au gfreut ech kenne z'lehre, chome gärn mau weder verbii, au weni nüt z repariere ha ond wenn's öbis z repariere get mäldi mi sowieso für uf d wartelischte..

S Chüelsystem hani höt au entlöftet, het ca. en Liter Froschtschutz welle ha. Nachere Rundi fahre esch emmerno alles ruhig gsi (kes blubbere) und s Expansionsgfäss het au ned meh drenn gha wie vorhär ond scho gar ned usedrökkt. hoffe mol dass das so blibt....

I rächne mitem Schlimmscht ond hoffe s bescht, de chami nüt öberrasche.

Ha no gseh dass d Temperatur seehr schlichend stigt (bis normal, ned höcher), ond de Idruck gha si gieng sogar weder abe, weni bärg ab fahre, evtl. muesi de Thermostat wächsle, das hani scho mol gha bem 4-Runner, het Wunder gwörkt.

[Darklord]

Salü zämme!

Es git mal wider eini weniger: Unfall