der swiss deutsch thread(nur schweizerdeutsch schreiben)

[Supramaniac]

@jan
schöns weihnachtsgschichtli hesch da verzellt so viel glück sött me öfter ha nid?

aber da chunt mer ou grad eis i sinn, da isch glück u päch zwar öppe 50% - 50% gsi aber trotzdäm guet:

i bi nachem schaffe mit dr fründing chli schnäu unterwägs, mir hei no abgmacht gha. auso düsi so mit ca. 140 über d'autobahn u genau im ne tunnel (isch dert churz uf 100km begränzt gsi) überholi en zivile...ha natürlich 140 dürezoge...guet....ufzmal merki im rückspiegel das mir es auto im immer gliiche abstand folgt. de bini stutzig worde u ha bi de schön uf 120 abe...dr ander wage isch de genau gliich nid verbii sondern het sich hinter mi gsetzt...

dert hani gwüsst.....si bulle....mischt.....auso hani dänkt, i chönn se überlischte u bi ziemlich knapp bi mire usfahrt use het natürlich nüt gnützt u sofort heisi z'blauliecht igschalte u z'täfeli bitte folgen hat afa lüchte...

ha fasch müesse lache, bi ja schliesslich vor ihne gsi *g* naja egal...ha den ufem pannestreiffe bir usfahrt ghalte. da chunt dr einti herr polizischt zu mim fänschter u seit i söll no chli wiiter füre fahre, dert heigs bessers liecht. ig scho "mischt..." lah ja ungärn ir nöchi vomne bull mini charre ah...dert hani no alli kats dusse gha.....item....

im bessere liecht chöme de beidi zivil-flic's ane u tüe mer zersch mau erklähre dasi zschnäll gfahre bi...hami de dumm gstellt u gseit i heig zschild nid gseh, aber äbe, het ja nüt gnützt zdümmschte isch aber gsi...dasi mi mit genau 26km, nach abzküg vo allem, gmässe hei...also genau 1km über dr ordingsbuess....scheisse....

naja, u de seit dr einti bull i söll doch mau d'motorhube uftue...denn hani no mis offne bov + hardpipe kit blitzblank poliert drin gha (mitlerwiile hani alles schwarz mat gsprützt) u so isch nat. die erschti frag gsi: "was isch das für nes rohr??" i ha de erklährt das z'orginal us weichplastik sig u sech tüeg usdehne u zämmezieh, das sig schädlich für dr motor! denn lueg dr bull sin kolleg ah, de hets gloub ou nid besser gwüsst...zeigt denn ufs bov u fragt: u das? ghört das derzue?" ig natürlich sofort: jaja, das ghört derzue, ohni dasi wiiters uf d'funktion vo däm teil igange wär.

u so heisi mi de no belehrt über d'kosequänze vom schnäll fahre etc. hei no gseit dases aber e schön erhalteni supra seig, u si de abzoge!....phuuuu

auso 50% päch wäg 1km drüber
u 50% glück wüll die entweder en guete tag hei gha oder eifach nid gwüsst hei was es bov etc isch

gruess adi

[lukas85]

Mir si eigentlech fasch au Obe dört.

De chomi doch ev. mol cho luege öb das höt ou so esch

[Full_Throttle]

@Supramaniac: hehe ja da häsch sicher no glück gha dass di 2 ordnigshüäter nöd gwüst händ was das füres Rohr isch

I bi hüt au grad blitz worde, hinder eme typ gfahre wo plötzli saumässig brämst uf eme schöne graade stuck, kei fussgänger, kei anderi autos, eifach so. Ha dänkt ja läck mich, was fahrsch da wiene schwöschter abe....und überholne...natürlich i dem moment woni a ihm verbii ziehne blitzs 3 mal, sone super high tech falle, gseht mer fasch nöd, und händs offebar hüt namitag uufgstellt..
Naja, bi wahrschinli so bitz über 60 gsi...aber i glaube da han i no chance d'buess aafechte, will de ander isch ja würkli z'langsam gsi, und ufem foti wird mer denn bestimmt gseh, dass ich de typ überholt han..naja mal luege..

@Bleifuss: wür ja gern d'Spannig mal mässe...müst für das aber ine garage
dass es 20Ampere sicherige sii für d'schiibewüscher...hei das isch ja extrem...20 Ampere isch ja e gwalts stromstärchi...glaube miini Wäschmaschine lauft mit weniger ampere...

@Supraklinik: i wür gern mal verbii cho....isch glaub gschiider ich mache de alt uuspuff wieder ane
Dr öski hät ja gmeint er heb no e original topf. Und wäg de hardpipe chönt i au no bitz hilf bruuche, i cha sie nöd so optimal aamache, bzw es fehled mir schruube.
Aber was eigentli am nötigschte wär, isch d'tachosaite. Ich han e kei möglichkeit das selber z'verbastle;
Was meinid ier, dä samstig ?

[Bleifuss]

Morge zäme!

@lukas85
Klar! Chunsch mau verbi!

@Jan
Auso am Samschtig simer sicher ume, aber wies dr Öski mitem Lift het weisi nid. Ä Uspuff ligt gloubi no ume....
Wägem Schibewüscher: Hesch ke Kolleg, wones Multimeter het? U hesch gwüsst, das dr Lüftermotor bis zu 35 Amper cha zie...?

[mhcruiser]

Zitat von lukas85

De chomi doch ev. mol cho luege öb das höt ou so esch

Wi dr mikezz scho seit, meischtens, das heisst no nid immer
Besser isch aube, schnäu d info düregä, de chöimeris sicher arrangschiere

Zitat von Full_Throttle

@Bleifuss: wür ja gern d'Spannig mal mässe...müst für das aber ine garage
dass es 20Ampere sicherige sii für d'schiibewüscher...hei das isch ja extrem...20 Ampere isch ja e gwalts stromstärchi...glaube miini Wäschmaschine lauft mit weniger ampere...

Chliini elektronik stung:

Das dini Wäschmaschine weniger Strom (Ampère [A]) bruucht isch sogar ziemlech wahrschindlech, aber da chunnt äbä no die hingerlischtigi Spannig (Volt [V]) iz Spiu, wüu d Leischtig berächnetsech us Spannig x Strom, das heisst im Outo bi 20 Ampère git das 240W (Watt = Leischtig), a dr Steckdose bi 230V u 1A hesch scho 230W.

U när chunnt no nie ganzi sach mit AC und DC, sprich wächsustrom u gliichstrom, aber das isch eifach erklärt, wächsustrom hetme ar Steckdose, u wennme d sicherig usenimmt us eim gliich eis putzt, de hetme haut gliich strom gha

Für d spannig z mässä, muesch nid unbedingt id garasch, das geit o vorusse Aber darfsch gärn wider mau uf Murte cho

@all
Guete Morge zämä!

[mikezzz]

guete morge

ja, meischtens isch nid immer. zum bischpiu hütt wird für meischtens si, morn isch nid immer, und derfür am friti und am samschti wider meischtens... oder so...

und läck isch das fondü geschter fein gsi... da fröi ig mi ja grad richtig ufs ragglett morn...

[Bleifuss]

morn am Abe Raclette, Frittig am Mittag Raclette u de no am Samschtig Mittag Raclette....

[Full_Throttle]

Ha gmeint Spannig = Wiederstand x Stromstärchi (U = R x I) ?

Was mi halt verwunderet hät bi de starche stromstärchi bi de elektonik im Auto, isch dass e höchi stromstärchi gföhrlicher isch als e höchi spannig...sprich het lieber e stromschlag vonere leitig mit 10'000 Volt/0.1 Ampere als vo 200Volt/15Ampere....

[lukas85]

@mikezz:
oke denn luegi dass i mol chome wenn meistens isch, ned wenn nid immer esch..

@Full_Throttle:
Richtig, U=R x I. Was de mhcruiser erklärt het esch: P=U*I in Formel-form.

Zu dim Verglich: es stimmt, d Stromstärchi esch bem elektrische Schlag entscheidend, aber wie gross de Strom esch, bestemmt (U= R x I) ebe d Spannig und de Widerstand (Din Körper). Dorom esch en nidrigi Spannig ungföhrlecher als en höchi Spannig.

[mhcruiser]

Zitat von Full_Throttle

Ha gmeint Spannig = Wiederstand x Stromstärchi (U = R x I) ?

Was mi halt verwunderet hät bi de starche stromstärchi bi de elektonik im Auto, isch dass e höchi stromstärchi gföhrlicher isch als e höchi spannig...sprich het lieber e stromschlag vonere leitig mit 10'000 Volt/0.1 Ampere als vo 200Volt/15Ampere....

Elektronik 2ti stung:

U = R x I, richtig, das Stimmt ou vou u ganz, aber i dere gliichig hesch no niene d Leischtig dinne Da isch nume Spannig, strom u Widerstang... D Leischtig P isch Strom mau Spannig oder Spannig im Quadrat übere Widerstang, oder... emu eso isches.

U das wägdä 10'000 Volt, hmmmm, i ha am liebschte 12Volt im outo, das isch absolut ungfährlech, wiso, das lehre mer de ir 3. Stung.

[Alonso]

Heyhey, mir si da de immerno im Offtopic!

[mikezzz]

de chunnsch am beschte am samschti. denn isch meischtens und am meischte zyt...

[mhcruiser]

Morgezämä!

[mikezzz]

Guete Morge

Um weli Zyt faht d Lektion 3 a?

[Alonso]

Grüessechwohl die Herre