der swiss deutsch thread(nur schweizerdeutsch schreiben)

[Full_Throttle]

Ou läck etz häts mer au no di ander gummidichtig verrisse, wenn i gas gibe suuft de motor grad ab...super sach, jetzt muesi eineweg di originaldichtige uuftriibe zum s'alte 3000-er rohr anemache wieder.... will au vorher, ohni BOV, isch s'fahre zimli riskant gsi, het mer i de stadt es paar mal de motor abgstellt bim abeschalte bim kurve näh...nöd grad geils feeling wenn plötzli d'servolänkig uusschaltet zmits im kurve näh

wirde d'lady bis uf wiiteres stah lah, wenn i under de wuche di teili chan uuftriibe und s'3000-er rohr wieder anemache, wär's möglich am samstig uf Murte z'cho ?

[suprafan]

wie oft müsset ihr eigentlich zum militär?
in dütschland beschweret sich alle (bis uf die arbeitnähmer) dass durch die vielen fiiertage soooo viel arbeitszit verlore gaht und die wirtschaft dadurch nid so stark wächst wie sie chönnt, und die schwizer holet ihre jungs glei im jahrestakt wochewiis vo der arbit wäg

sorry wäge dem miese swiss-dütsch, ig sollt viellicht mal en abendkurs mache

[Full_Throttle]

du tönsch wie en schwab

aber rächt häsch, s'militär i de schwiiz isch en witz, mir händ e defensiv armee, aber d'technologie isch so veraltet, wenn es industrieland wür welle eus aagriife, hettemer eh nöd würkli e chance diä abzwehre...
I de hütige ziit zelt nöme d'aazahl soldate, sondern di technische grät womer zur verfüegig hät.

Wie zB eusi F4 Tiger Flugis, diä sind de oberwitz, chönd nöd z'nacht oder bi schlächtem wetter flüüge, und di werdet vonere luft-luft ragete troffe bevor de pilot überhaupt es feindlichs flugi uf em radar gseht....

tja, isch so öppis wie e pfadi für erwachseni, puri geldverschwändig

[suprafan]

Zitat von Full_Throttle

du tönsch wie en schwab

oh, scho wieder fausches sprachmodul? huerehagel...

[Alonso]

Zum Glück bin ich jetzt bim Militärsportverband, dert isches deluxe Zivil umeloufe, am Abe uf Wunsch hei go schlafe, hervoragends Ässe etc..

Flo;
DR Arbeitgäber überchunnt die "Usfallziite" vom Stüürzahler vergüetet

[mikezzz]

Guete Morge auersits... So, strängs Wuchenänd gsi, aber es hett sech glohnt...
Jan und Mike: mir hei nech beidi chli vermisst...

[Bleifuss]

Morge zäme!

@Züri
Und, wie louftsi? Bisch chli ga brönne?

@Jan
Frag mau Züri wägem Samschtig, ig bi am Samschtig am MotoGP ts Valencia.

@Mike
Schad bisch nid cho, aber mit Fäudschlössli muesch de nid ichelouffe...

[Chrima70]

Moorge Zäme
Guet aagfange ?
Ha grad emol e frog; än tschugger hät mi am friitig obe aaghalte, wal i mit nebulampe bi gfahre.
Sigi verbote. OK hinge hani scho gwüst. Aber diä vore ?
S'fahrit jo sovil mit allne 4 lampe a ume, was i de ou nüme guet finge ! I bin aber nur mit dä 2 Nebulampe gfahre.
Ischis also besser ohne liächt z'fahre ?
Sisch noch dä föivi gsih und grad super klar ischs wätter au nid grad gsih.
Isch das bi eui bekannt ?

Grüäss
Christian

[Bleifuss]

Da bini Spezialischt...
Näbulampe darf ersch bire Sichtwiti unger 50m ischaute. Schteit so im Gsetz.
Choscht 40.- schtei...
Ig ha scho 3 mau zaut....

[mikezzz]

@Bleifuss: Nid gross, schnäu vo deheim uf Kerzers u zrügg geschter... aber es läuft und läuft und läuft und läuft und... hinech de no schnäu aui Niveau kontrolliere

@Jan: aso i wär am Samschti dört... me müesst no mit el Cheffe luege, wies usgseht, aber näbe Tagesfahrlampe iboue hätti sicher Zyt für z luege

@Chrima: isch effektiv so, das mit de Näbler vore isch nid toleriert... bisch auso nid der einzig, wo zaut derfür, das er nume mit dene umefahrt... drum hani Tagesfahrlampe dinne

[Full_Throttle]

Find i au guet so, wirde amigs fascht blind wenn son näbellampe-typ hinder mir herfahrt

[Chrima70]

Jo zahle han i nöd müässä.
Aber wo mer hüt sfahre mit Liächt propagierät, dünkts mi doch blöd. U blände düä di nöd !

Gäbtis ächt nöd angeri iisätz um us em nebulicht es Tagesfahrliächt z'mache ?

[Bleifuss]

Tagesfahrliecht chasch det unge nid iboue. Isch ts töif, da hautisch die gsetzleche Ibouvorschrifte nid i.

[mikezzz]

D Näbler si gloub irgendwie z töif unge... aber i ha zum bischpiu mini (gliich wie öski und mhcruiser) hinger de gitterli drinne... und da hätt auso bis jetze no nie öpper öppis gseit...

[Chrima70]

U längit diä den ineme Tunnel ? Oder muäss mer dän wider die grosse uusfahre. Ha nämli jede tag 8 tünnel !