der swiss deutsch thread(nur schweizerdeutsch schreiben)

[lukas85]

Obe zäme
@mhcruiser:
Das machi doch gärn mol. Wenn trefft me denn öich so i de Supraklinik?

[mikezzz]

Guete Morge! Aui fit und zwäg?

Zitat von lukas85

Obe zäme
@mhcruiser:
Das machi doch gärn mol. Wenn trefft me denn öich so i de Supraklinik?

Mir si eigentlech fasch au Obe dört. Am Samschti meischtens dr ganz Tag...

Und natürlech muesi em Alonso rächt gäh, so öppis wie Kat usenäh isch eifach nid ganz korrekt... Das macht me nid... ;-)

[Bleifuss]

Morge die Herrä...
Ja, dr erscht Kat usenä isch würklech ä Souerei!

[Full_Throttle]

Samstig, 22.00;
Ding dong a de tüüre
Wer isch da !?
"Kt. Polizei Züri, mir sueched en Herr Werder"
"erm...ja das bin ich..."
"Herr Werder, legget si e Jagge aa und nemed de autoschlüssel mit"

Ach du scheisse....

während em anelaufe zum Auto (es hät grad a de strass gstande, drum isch es dene seck uufgfalle)

"Herr Werder, bevor mir öppis säged, händ sie öppis z'säge zu ihrem Auto?"
"Wahrschinli meined Sie de Uuspuff, hä?"

"Genau...denn zeiged sie mal bitte de iitrag."
"han e keine..."
"aha, sie wüssed aber scho dass dä Topf illegal isch? Wo isch de Silencer??"

"Weiss nüt vome silencer, das rohr isch alles gsi woni bercho han, usem internet vo dütschland bstellt."
"Sie gsehnd ja da diä schrubeöffnig, diä isch gmacht zum de Silencer aneschruube" (im klassische Polizei-belehrigs-tonfall)

"Ja ich het en ja anegmacht wenn i eine het !"

Nach churzem funke mit em polizeiposchte dreht sich eine vo de 5 (!!) Bulle zu mir:

"So Herr Werder, sie fahred jetzt eus nache, mir gönd uf de Poschte Urania, ihres auto wird konfisziert."



Quer dur d'stadt gfahre, 22.30 wenn jede menge lüüt uf de strasse sind, uusgang und so...und ich wo am Bullecharre muen nachefahre, sie mit blaulicht und lüchtendem Schild obe druff "Bitte folgen"
Jawohl, voll gangster mässig...

Am urania aacho, chunt en Spezialist vom polizeiposchte use.

"Grüezi Herr....Werder ? jawohl ***** isch miin Name; soli, was hämmer denn da ?"

Erluegt de uuspuff aa, frögt nomal di gliiche frage, ich versuech mich so unwüssend wie möglich stelle.
Denn gseht er im Kofferruum s'original aasuugrohr, bzw was devo übrig isch.

"Ähm...was isch das denn ? das gseht uus wie es aasuugrohr ??"
".....ja....."
"Mached sie mal d'motorhuube uuf"

Scheisse jetzt chum i ganz sicher drunder...

Er lüchtet in Motorruum, gseht d'Hardpipe..
"Aha, typefremds aasuugrohr, nöd so guet...isch dänk au nöd iitreit ?"
"nei..."

Mues aber säge, de Polizei-Mech isch sehr fründlich gsii, und er het denn glaub doch no sympathie für mich gha, er hät d'supra no schön gfunde, und au gfröget wie sie denn so lauft, seg ja doch scho es älters Auto.
Er isch au churz unter de Wage gläge und het so bim Turbolader umegwurschtlet...ich glaub er hät d'downpipe scho gseh...aber nüt gseit.

nach eme ziitli verusse ( mir händ all gfrore wie blöd) händ sich die zwüscheziitlich 6 Polizischte berate und denn zu mir:

"Also Herr Werder, betrachtet sie's als wiehnachtsgschenk vo de Stapo, mir löhnd sie nomal mit ere verwarnig devo. Aber de uuspuff muss weg, und s'aasuugrohr au, bzw iiträge lah. Mir löhnd sie aber nume gaa, will de uuspuff no relativ neu isch und nöd so lärmed, und er isch sehr guet aagmacht ( ein hoch auf die Klinik!!).

Tja, ich würd säge Glück im Unglück... und es verdammt schwein gha, dass sie mich lah fahre lah händ womer zum poschte gfahre sind...susch hetteds no gmerkt dass miini tachoseite...naja...es wär übel worde, und sie hetted mi sicher nöd wieder lah gah...

[Alonso]

Lukas; Was du wieder für Sache liesisch. Also soöppis würd i nie im Läbe mache..

[Full_Throttle]

No e Frag; Wenn's um di 0°C isch verusse, denn funktioniered miini Schiibewüscher fasch nöd, sie beweged sich in ziitluppe, bzw gar nöd, und wenn s'auto bitz warm isch, gaht's denn wieder..

Was chent das sii ?

[lukas85]

@alonso:
I jo eigentlech au ned... elei scho wäg de Omwält (1. Kat use)..

[Alonso]

Isch ja ein sehr geili Story mit dim Uspuff Was hesch denn du für en Ahlag? Nür Spec?

Hmm, ha mich letschti mal telefonisch erkunded wie ich das Piping-Züüg chönnt lah Ihtrage. Das chönn me gar nid het dä Typ gmeint, aber wenns de originalzwäck erfüllt wär das scho ok so. Cha ja luschtig wärde..

[mhcruiser]

Guete Morge zämä

@all

1st Kat usenä? Spinneter eigentlech?

[Bleifuss]

@Jan
dasch sicher t Bakterie wo nümme so Toll isch!

Wow, dir heit de gigle vo Polizischte.... hesch ja schwein gha....

[lukas85]

loschtig was do so usechont be so froge aber demfall lohni alles schön so wies mues, well ke Ärger meh met de Pozilei...

[Full_Throttle]

@Alonso: De Uuspuff isch en Apexi, genaue Typ weiss i au nöd, irgend es universalteil....

@Lukas: Lah di nöd vo de uussage tüüsche da ine, de Sarkasmus/Ironie isch schwer z'erchenne in gschriebene form...ich glaub die wenigschte hend no de 1.Kat drin, aber ich weiss vo nüt

@Bleifuss: Han au denkt dass es d'bakterie chönt sii, aber es het mi denn gliich gwunderet dass i überhaupt kei problem han de motor aastelle....usserdem hät de schiibewüscher hüt zB au nach 10min fahre nonig funktioniert, d'bakterie het ja bis denn sicher scho wieder gnueg saft müse ha ? Ah ja, und aagfrore sinds also au nöd gsi...ich meine, de schiibewüscher bruucht ja wohl nöd meh leistig als d'musigaalag...? aber ich chan easy is auto sitze, bitzli musig lose und denn abfahre. Aber iistiige und de schiibewüscher lah laufe gaht nöd....

[mikezzz]

Ha scho immer gseit, die spinne, die Zürcher... Stell der vor, du hättsch no der erscht Kat dusse

[lukas85]

@Full_Throttle:
I hans scho dänkt dass einiges ironisch gmeint esch, aber wie du scho schribsch, esch schwerig z erkenne..

[mhcruiser]

Zitat von lukas85

@Full_Throttle:
I hans scho dänkt dass einiges ironisch gmeint esch, aber wie du scho schribsch, esch schwerig z erkenne..

De chum haut mau uf Murte, de merksch de villech ender was ironisch gmeint isch u was nid

Zitat von FT

...ich meine, de schiibewüscher bruucht ja wohl nöd meh leistig als d'musigaalag...?

Soso... Hami jetz no nie würklech drum ta, z luege was so Schibewüschermotore fürne Leischtig hei, aber rein usem Gfüu würdi sägä muessech dr Schibewüscher da nid gross verstecke...