der swiss deutsch thread(nur schweizerdeutsch schreiben)

[Bleifuss]

Morge. Ha dr ganz Tag Sitzig u hinech Budeässe.

[mhcruiser]

Natürlech, da hei mer doch aui!

[mikezzz]

So, we süsch niemer öppis seit, de sägi haut mau
GUETE TAG!

[Full_Throttle]

Hoi zäme !!

Bin sit geschter wieder am schaffe, ha 2 wuche ferie gha....und hei das schiist mi ja eis aa, unglaublich wie schnell mer sich as ferieläbe gwöhnt...

Bin ca 2700km gfahre, eimal bitz Öl müse nachefülle, und susch keinerlei problem uufträte; de Uuspuff dröhnt friedlich vor sich hii. ..

Uf de Düütsche autobahne han i au festgstellt, dass so ab ca 160 (ohni Tempomat chan ich's nöd soo gnau säge) de Turbolader nomal einiges besser zieht als vorher ( vor de Downpipe) - chan das sii dass es wäg de voluminösere downpipe sich chan uf de spritverbruuch uuswürke ??? Han fascht e ganzi tankfüllig weniger bruucht für beid strecke als letscht mal im Mai....bin ca gliichschnell unterwegs gsi, allerdings han i nume normals bleifrei tankt; z'dütschand gits ja oft nume bleifrei 92, 100 Oktan oder diesel...und bi 40 cent pro liter priisunterschied zwüsched 92 und 100 Oktan, isch es nöd schwer gfalle, s'92'er z'tanke

Aber ich het scho dänkt dass 92 Oktan weniger wiit langed als 95, 98 oder 100...bin also eher positiv überascht, und mir überleiht ob das ächt so isch, will d'Supra ja doch zum ältere ise ghört, und 1989 hät's glaub no kei bleifrei 95 bzw 98 gha: cha das sii dass BF98 für eusi Autos gar nüt bringt ? (so wie V-power offebar au nix bringt)

[Alonso]

Chan sehr guet sii dass de Verbruch sinkt ja. Dür de "fählendi" Kat isch dr ganz Motor weniger drosslet und arbeitet effizientär. Aber grad so extrem sött me das nid merke..

En höchi Oktanzahl macht vorallem Sinn wenn höcheri Ladedrück fahrsch, oder en sehr höchi Kompression hesch, wies vorallem bi aktuelle, hochzüchtete Motörli dr Fall isch. Mit hochwärtigem Benzin, bzw höcherer Oktanzahl sinkt d'Gfahr vom Chlopfe (sälbschtzündig), was dr sicher Tod für d'Pleuel(lager) isch..

En Leischtigssteigerig dür en höcheri Oktanzahl isch i mine Ouge eher Ihbildig. Mich dünkt nur das mini Dame chli ruehiger louft mit 98er. Wäg mim Ladedruck fahr ich eigentlich nur no dieses da..

@Murten
Siit er am Samstig ume? Hätt schüsch mau wieder en Abgastescht zum mache

[mikezzz]

Guete Morge!

Ähm ja, Samschti si mer ume... Mues a mire d ZKD mache...

[Bleifuss]

Guete morge mitenand!

[streetfighter]

morge dir habasche

[mhcruiser]

Tschou zämä!

[Alonso]

Morge zäme

Wow, das isch aber schnäll gange mit dir ZKD.. Alles klar, we aues sowiit klappet luegeni öppe Samstig vormittag churz verbii.

[Bleifuss]

Hofer, hesch PN.

[mikezzz]

Zitat von Alonso

Morge zäme

Wow, das isch aber schnäll gange mit dir ZKD.. Alles klar, we aues sowiit klappet luegeni öppe Samstig vormittag churz verbii.

tja, so geits... me sött haut bim erschte azeiche nid no afah mit angere spiusache...

[Alonso]

Naja, jetzt weisch ömel wo dr Fähler liegt, u hesch nid 200 Sache wo vilicht chönnte problem mache

Hani damals so glernt bim flicke vo Leiterplatte mit Churzschluss. Eifach es starks Netzteil ahhänke und luege wos rouchzeiche giit

[mhcruiser]

Zitat von Alonso

Hani damals so glernt bim flicke vo Leiterplatte mit Churzschluss. Eifach es starks Netzteil ahhänke und luege wos rouchzeiche giit

Das isch ä relativ simpli aber zueverlässigi methode! Nid immer ganz verluschtfrei, aber zueverlässig!

[mikezzz]

Isch genau so. Und me hett ja chönne dervo usgah, woner uf em grimsu obe s erschte mau chli warm hett gha trotz der schiisschäuti dusse...