[Full_Throttle]

hät 2 mal blitzt, isch en Topmoderni mobili aalag, wo au nume 3km/h toelranz git ( di ältere model händ no 5 gha).

Ich säge ja nöd, ich bin nöd z'schnell gsi, aber fairerwiis mues mer diä strecki scho kenne zum chöne säge öbs etz übertriebe schnell gsi isch. Es isch e 4-spurigi strass ( 2 Tramtrasse i de mitti, betoniert, es fahred Bus und Auto det au druf), und es hät au es mittlers gfäll.

Ich fahre innerorts prinzipiel nöd z'schnell, aber es isch gueti sicht gsi, kei chinder am strasserand, kei gägeverchehr uf keinere vo de 3 spure links vo mir; Bin halt würkli eifach links übere, gschwind gas gäh zum diesä überhole, und genau woni topspeed gha han churz bevor i iigspured bin wieder, häts mi gföteled.

Isch halt dumm gloffe...nervende chaschtewage vor einem, wo unkontrolliert brämsd ( ich nime aa er hät de Chaschte erblickt gha), bin au gnervt gsi will es scho halbi achti gsi isch und ich erscht grad han chöne fiiraabig mache, han hunger gha, bergab isch's au gange, da isch es zimli schnell passiert dass mer uf 70km/h chunt...

was sölls, wirde im herbst spötestens us de stadt uuszieh, denn git's nöme alpott e buess für alle mögliche scheiss...