Morge ! Am Sunntig es Basketballturnier in Opfikon gha....oh mann am 6.45Uhr uufgstande und z'aabig am 19.30 heicho.... mir tüend d'Chnü, Fües, Schultere und Händ wäh....
Also falls eine vo eu meint Basketball seg en Sport ohni Körperkontakt: ich lade eu herzlich ii zume Training z'cho
Und das kack Opfikon isch nöd grad eifach z'finde ohni GPS... irgendswie isch Glattbrugg und opfikon s'gliiche, zmindescht fahri so dur d'gägend, denn chunt es Schild wo aagschriebe isch dass für nach Opfikon graaduus muesch. Und di negscht ortschaft isch denn Glattbrugg, huerre chäs...
Isch also nöd s'erschtmmal wo mir uufallt dass i de Schwiiz teils ortschafte oder lokalitäte extrem schlecht beschilderet sind - es wird irgendswie immer aagnoh dass mer sich zmindescht es bitz uuskännt;
weisch wie oft bin i scho vo touris gfröget worde wie's noimeds hiichömed...zB vo Züri uf Ziegelbrugg, es staht überall immer nume "Chur" als Richtig, wer zum Tüüfel weiss scho dass d'Autobahn Richtig Chur die einzig isch in Oschte, vo Züri uus ?
Soli, gnueg gnervt so früh am morge