AW: der swiss deutsch thread(nur schweizerdeutsch schreiben)
 

Dr ladedruck hani mitem hks evc 1 greglet. D schlüüch drzue si keni 40cm läng, auso chanimer nume vorsteue das d ladeluftverrohrig(aues originau) z nächschte wär.

Das mitem kat lani no lasi, i mues zersch mau luege dasi mit dr axelpipe und blitz nür spec cha prüefe...

AW: der swiss deutsch thread(nur schweizerdeutsch schreiben)
 

Faschmittag zäme

Wo nimsch mit em EVC dr Ladedruck ab?
Was für es BOV hesch? Wenn no Serie - unbedingt das Prüefe.
Bide schlüsch isch eigentlich nume dä zwüsche Drosselklappe und 3000er chli fies. Die andere si entweder dicht oder so offesichtlech kabutt dass es längschtens gmerkt hätsch ;)


Uiui - wie wosch das mit em Prüefe vo däm Setup schaffe?

AW: der swiss deutsch thread(nur schweizerdeutsch schreiben)
 

Sali
Prüefe, meinsch STVA? Chamer nöd vorstellä das die de plausch a nerä Axelpipe händ + Blitz nür. - 1 Kat.
Ich han es offnigs TK e DP en 100 Zeller Kat und en Remus ESD, ich würd mi nöd emal getrau nur id nöchi vom STVA z'cho. Dh all 2 Jahr abä neh.

AW: der swiss deutsch thread(nur schweizerdeutsch schreiben)
 

Dr ladedruck nimi bim BOV ab und das isch no z originale.
De muesi haut de mau das überprüefe.

Ja wäg dr mfk gani bim DTC es lärmguetachte ga mache und den sötts ou mitem itrage vor blitz klappe. Het scho meh aus eine so gmacht.

AW: der swiss deutsch thread(nur schweizerdeutsch schreiben)
 

lol, vergiss es, das het vilicht vor 10 jahr no funktioniert.

Frag mau zersch bi dir MFK (resp. bi allne wo i Frag chöme) nache was sie genau wei. Sie mache schlussändlich dr Ihtrag - nid ds DTC oder d'FAKT

Bir MFK-Thun gsehts eso us (Stand Mai 2012) - für e Uspuffahlag ab Kat;

• Lärmmässig (ab 300.-)
• Abgasgägedruckmässig (1450.- exkl. MwSt. bim FAKT)

Zitat vom Mail vor MFK:

Das ganze wär unter dr Ahnahm dass beidi Kats drin bliebe. Wenn dert öppis änderisch - bruchts no es Abgasguetachte - was dr Priis mindeschtens wird verdopple für d'Guetachte vo Obe.


Abgseh dervo, schaffsch mit ere Originale Blitz und eim Kat die Lärmmässig nid.

AW: der swiss deutsch thread(nur schweizerdeutsch schreiben)
 

So iz hani mau es paar telefon gmacht. Fougendes Ergäbnis:

Bi änderige ab Kat SÖTT e grüschmässig länge
Bi änderige vor Kat, chani grad wider vergässe wöus viu z tür chunnt..;)

De gits nur eis; axelpipe use, zum dtc fahre, grüschmässig mache, la itrage und axelpipe natürlech nümme iiboue...

AW: der swiss deutsch thread(nur schweizerdeutsch schreiben)
 

Chline Tip us Erfahrig; Lah der so "Sötts" schriftlich (z.B. Mail) lah bestätige. Gwüssi Lüüt erinnere sech schüsch plötzlech nüm a so Ussage ;)

AW: der swiss deutsch thread(nur schweizerdeutsch schreiben)
 

Das chani bestätige. En Kolleg het mol de Töff Lernfahruswiis müese abgäh, well er anere Telefonische Uskunft vom STVA AG vertraut het, wo leider falsch esch gsi.

AW: der swiss deutsch thread(nur schweizerdeutsch schreiben)
 

Morge zäme

Lukas; Äbe genau - ha denn z.B. mit mim gschüsslete Länkrad die glichi Erfahrig gmacht. Dr Expert hets wölle bemängle - het denn aber schnäll nachegäh wonem ds usdruckte Mail (vo sim Chef) ha präsentiert das es ke Problem sig sofern blabla..


I ha mittlerwile mis "Flüssigkeitsproblem" chönne lokalisiere;
Si 2 Sache schuldig; Einersiits isch (hoffentlech) dr Simmering vorn ar Kurbelwälle ds Fuul si job ds mache, und zum andere isch dr Ablass vom Aluchüeller unter Druck nid dicht gsi (<-- gsi, nid würklich guet ahzoge :dusel:). Servo isch rein optisch alles dicht siit 800km - ke ahnig wieso da Plközlich het öl gfählt. Ev. ds guet gfüllt gsi und obe use drückt?

Egal - Simmering isch de öppis füre Winter, schüscht alles beschtens :bleifuss:

AW: der swiss deutsch thread(nur schweizerdeutsch schreiben)
 

Oder s Servo isch nid 100%ig entlüftet gsi.
Guete 1rscht Ougschte zäme!

AW: der swiss deutsch thread(nur schweizerdeutsch schreiben)
 

Morn is Elsass u de i Schwarzwaud
Schöne Abe zäme:lui:

AW: der swiss deutsch thread(nur schweizerdeutsch schreiben)
 

Ah, sehr schön, en Schwizer Thread :)

Lieba Grüess üsem Wallis

AW: der swiss deutsch thread(nur schweizerdeutsch schreiben)
 

Its lueg o da! Das wär dr 3t Walliser woni hie entdeckä:winky:

AW: der swiss deutsch thread(nur schweizerdeutsch schreiben)
 

So jungs dr Basler isch de wieder da ..

heute mfk bestanden , alles eingetragen , bodykit federn felgen und motor ggg

könnte vor freude Tanzze e gfühl wie geburtstag . :laut:
mache jetzt es fass uf .:fahrn:

e dank a murte , ihr sind die beste :form:

und das joor sind mir am fondue esse au dr bie ..
eine lady und zwei personen

lg supralord

AW: der swiss deutsch thread(nur schweizerdeutsch schreiben)
 

Der 3. Walliser? Also ich kenne nur nu 1 MK IV Bsitzer, demfall müess der annere nu en MK III Bsitzer si.

Wer isch de hie suscht nu Walliser im Forum?