AW: der swiss deutsch thread(nur schweizerdeutsch schreiben)
 

Und de, Lukas?

AW: der swiss deutsch thread(nur schweizerdeutsch schreiben)
 

Ja perfekt, was hesch anders erwartet? :D

AW: der swiss deutsch thread(nur schweizerdeutsch schreiben)
 

Nüt. Mir hei nume nüt ghört und hei drus folgendi Schlüss zoge:

1: Es isch aus perfekt und es schnürrelet der Motor wienes Chätzli
oder
2: Du bisch gar nie bis hei cho wüu ungerwägs der Motor explodiert isch und du e truurige flammetod hesch müesse stärbe.

Variante 2 hei mer de am Sunnti Nomitag usgschlosse, wüus sicher im Sunntigsblick wär gstande.

AW: der swiss deutsch thread(nur schweizerdeutsch schreiben)
 

Ja, de Motor tönt so wie din Stube Panther. :huepf:

Irgendwo hani allerdings immerno Druckverlust. Die Grosse Ladeluftschlüch hämmer aber jo alli scho mol agluegt, die send neu oder no guet benand.. E Drucktest wörd sicher hälfe das z finde.

AW: der swiss deutsch thread(nur schweizerdeutsch schreiben)
 

Und dä chli cheib zwüsche 3000er Rohr und Klappe? Hei grad chürzlich bi so eim ungedüre es Rissli gha...

AW: der swiss deutsch thread(nur schweizerdeutsch schreiben)
 

De isch neu.. (= letscht Sommer oder Herbst ersetzt.)

AW: der swiss deutsch thread(nur schweizerdeutsch schreiben)
 

hmm... de würdi vorschlah, mau e drucktescht z mache... :engel:

AW: der swiss deutsch thread(nur schweizerdeutsch schreiben)
 

Ja, das würdi ebe au. :bleifuss:

AW: der swiss deutsch thread(nur schweizerdeutsch schreiben)
 

Ja, u dä chli cheib hani azoge... Dank äm mhcruiser:top:

AW: der swiss deutsch thread(nur schweizerdeutsch schreiben)
 

Wenni süsch scho nüt gmacht ha, de wennigschtens das :top:

AW: der swiss deutsch thread(nur schweizerdeutsch schreiben)
 

Churz nach Mittag zäme!

Aus klar? Het d'Klinik wieder Sprächstund am Samstig?

AW: der swiss deutsch thread(nur schweizerdeutsch schreiben)
 

Äuä de scho dänk. Mues Radlager u Spurstange mache a mire...

AW: der swiss deutsch thread(nur schweizerdeutsch schreiben)
 

Tiptop - de öppe när hurti am Cheffe ahlüüte - ha o wieder mal e Wunsch :)

Vilicht luegi aber o eifach so mau verbii am Samstig - pressiert ja nid :)

AW: der swiss deutsch thread(nur schweizerdeutsch schreiben)
 

Super Sach, i werde wahrschinlech ou dert si. Ztue gits jo immer öppis. :D

AW: der swiss deutsch thread(nur schweizerdeutsch schreiben)
 

Morge zäme. Es isch zum Glück wider mau Fritig....

Übrigens: Kennt öpper vo euch eine/eini mit ere wisse Supra (white special) wo z Bärn ir Isteuhaue näbem Bowlingcenter im Marzili uf em ne Durmieterparkplatz steit? Hett Wächsunummerehauter dranne... U i ha keini Chärtli vor Supraklinik bi mer gha...

AW: der swiss deutsch thread(nur schweizerdeutsch schreiben)
 

Guete Tag auersits.
Scho truurig, dasi hie mues alleiungerhauter spile...

Auso, mer hei in Lyss e nöie Supra-Bsitzer... D Frag steut sech, wenn das er de mau ir Klinik verbi luegt... :lui:

AW: der swiss deutsch thread(nur schweizerdeutsch schreiben)
 

Guete Mittag mitenang.
Dr Härdöpfusalat isch parat, aues angere meh oder weniger ou. Mir chöi auso bau afah dr Geburi vor Tochter ts fiire....:lui:

@Mikezzz
Wär het de ts Lyss ä Supra kouft? u weli?

AW: der swiss deutsch thread(nur schweizerdeutsch schreiben)
 

Morgezäme! Aus klar?

Guggst:
http://www.supra-forum.ch/showthread.php?t=38241

AW: der swiss deutsch thread(nur schweizerdeutsch schreiben)
 

Ujah :winky:

AW: der swiss deutsch thread(nur schweizerdeutsch schreiben)
 

Tschou zämä!

Letscht Zischtig isch e whitespecial mit "BS" Nummero z Murte vorem Tenniscenter gstange, kennt die öpper?

AW: der swiss deutsch thread(nur schweizerdeutsch schreiben)
 

Seit mer nüt...

AW: der swiss deutsch thread(nur schweizerdeutsch schreiben)
 

Morge zäme

Also momentan steit no e White Special ohni Nummere ds Murte vor ere Carosserie näb em Bahnhof - wohl gmerkt als einzegi Supra uf em Platz - das findi e Skandal!

AW: der swiss deutsch thread(nur schweizerdeutsch schreiben)
 

Sachä gids.:haare:

AW: der swiss deutsch thread(nur schweizerdeutsch schreiben)
 

Das isch so... Die isch zur Reparatur da... Und die andere loufe haut aui... :lui:

AW: der swiss deutsch thread(nur schweizerdeutsch schreiben)
 

Mis biileid we die alli müesse loufe - mini fahrt wenigschtens.. ;)

Zum das richtig stelle - es handlet sech nid umene Reperatur - sondern um ene Umrüschtig ;)

AW: der swiss deutsch thread(nur schweizerdeutsch schreiben)
 

auso guet....

AW: der swiss deutsch thread(nur schweizerdeutsch schreiben)
 

isch de die obe scho wider wäg?

AW: der swiss deutsch thread(nur schweizerdeutsch schreiben)
 

Chani so nid bestätigä, jedes mau weni dert bi isch näbscht dere wisse mindeschtens no e antrazithigi dert...?:confused: :undweg:

AW: der swiss deutsch thread(nur schweizerdeutsch schreiben)
 

Wenn i no det be, esch no e 2. White Special det..

AW: der swiss deutsch thread(nur schweizerdeutsch schreiben)
 

Und wenn ig no chume, sis scho vier supras...

AW: der swiss deutsch thread(nur schweizerdeutsch schreiben)
 

Wie gsehts eigentlech dä Samstig us? Esch d Klinik offe?

AW: der swiss deutsch thread(nur schweizerdeutsch schreiben)
 

I dänkes scho. Weis nume nid, wie lang i döt bi... Darf när no churz anes Hochzyt...

AW: der swiss deutsch thread(nur schweizerdeutsch schreiben)
 

TipTop :)

AW: der swiss deutsch thread(nur schweizerdeutsch schreiben)
 

Guete Morge.
Auso wäge morn ischs so: mir fahre öppe am 10ni, das heisst i chume vorhär nümme verbi. När öppe scho...

Gruess

AW: der swiss deutsch thread(nur schweizerdeutsch schreiben)
 

I werde wahrschinlech au ned grad früe si.. Mues mol weder usschlafe. ;)

AW: der swiss deutsch thread(nur schweizerdeutsch schreiben)
 

Guete Morge.
När mau ga luege wie's am Mike sire geit u was mis Möppi macht.:lui:

AW: der swiss deutsch thread(nur schweizerdeutsch schreiben)
 

So, Brämsschibe und Stahlflexleitige sind itreit und d Supra het för wiiteri 2 Jahr de Säge vo de MFK.:fahrn:

AW: der swiss deutsch thread(nur schweizerdeutsch schreiben)
 

:top:

AW: der swiss deutsch thread(nur schweizerdeutsch schreiben)
 

Guete Mittag zäme

So, ha mau wieder chli liecht i mim momentan dunkle Alltag ;-)

Bevor dasi dr el Cheffe störe - weis öpper vor Klinik grad ob mis 4-rad scho i Behandlig isch gso?

AW: der swiss deutsch thread(nur schweizerdeutsch schreiben)
 

Tag wou.

Aso du meinsch, öbs scho e anderi Kupplig hett? Das chönnti positiv bestätige. Weis haut nid, was süsch no hesch wöue gänderet ha...

Aso we am Samschti o no chunnsch, hei mer scho fei e chli es Supra Treffe zäme... U chönnt me vilech wäg em andere Züg no schnäu luege...

AW: der swiss deutsch thread(nur schweizerdeutsch schreiben)
 

Perfekt, danke her Dokter. Alles guet gange? Zuesätzlech isch nume no e Abgastescht fällig gsi, meh nid.. ;-)

Hmm, Samstig hätti zwar no chli Ziit, aber kes Taxi. Tue mau luege, alternativ ev. morn abe schüsch nach em Schaffe..

AW: der swiss deutsch thread(nur schweizerdeutsch schreiben)
 

git o gueti isebahnverbindige.
:engel:

oder der herr lukas ladt di ungerwägs irgendwo uf.
oder so.

AW: der swiss deutsch thread(nur schweizerdeutsch schreiben)
 

Ja, irgendeini vo däne Optione wirdi wohl wähle ;)

No öppis anders; Wie gseht ihrs mit em Fondueevent? Wär ja öppe langsam es Thema..

AW: der swiss deutsch thread(nur schweizerdeutsch schreiben)
 

Jeah:

AW: der swiss deutsch thread(nur schweizerdeutsch schreiben)
 

Der Herr Bleifuess hett da mau e Idee gha... Und eigentlech wöue arisse... Aber dä isch die Wuche no grad i de Ferie.

AW: der swiss deutsch thread(nur schweizerdeutsch schreiben)
 

Fuete Tag zäme. Bi sit geschter am haubi 5i zrügg, ha no el Chefe, Hannes u Roger im Apéro gseh.

Mini Idee zum Fondueevent hani agluegt, isch aber leider aues usbuechet, mir müesse auso öppis angers luege.
Da hätti aber süsch ono ä Idee, mir chöi ja süsch hinech im Apéro no drüber redä.

AW: der swiss deutsch thread(nur schweizerdeutsch schreiben)
 

tschou zeme das geit ja geng no wine more da i mim anno dazumal erstellte thema :-)

loset fasu öper intressiert werde am samschti ire wuche mini sitze mont . u ner muesi luege wenni ne euch entlich uf murte cha bringe ( d fahrertüre drückt leider roscht use :-(

das isch dr ALARM ruef gsi dasi itz eifach die chischte ume mues uft street bringe.

melde mi ...

AW: der swiss deutsch thread(nur schweizerdeutsch schreiben)
 

eh gugg eis, dä läbt no. und wott d supra widerbeläbe. da läbt grad fröid uf. hoffentlech gits ke läbertran z trinke. u scho gli gits wider läbchueche. u itz hani mini schwachi minute vo hüt usgläbt.

AW: der swiss deutsch thread(nur schweizerdeutsch schreiben)
 

geng no di gliche liri sieche :-)))))))))

aber das isch o guet so :-))))


peace u blüemli

AW: der swiss deutsch thread(nur schweizerdeutsch schreiben)
 

Guete morge mitenang!:poppen:

AW: der swiss deutsch thread(nur schweizerdeutsch schreiben)
 

morgegruess. wo si au die wo nöch hei (schwizer) für das fondü ässe? da überchumeni ja würm, weni d amäude-thread erstellig gseh u d amäudequote... hü chinder, gäht nech e ruck u mäudet nech a...

AW: der swiss deutsch thread(nur schweizerdeutsch schreiben)
 

Chunsch Du mit Ahang Züri?

AW: der swiss deutsch thread(nur schweizerdeutsch schreiben)
 

Ai ai capitano - isch erledigt ;)

AW: der swiss deutsch thread(nur schweizerdeutsch schreiben)
 

das dänkeni. irgendöpper mues ja hei fahre... :engel:

AW: der swiss deutsch thread(nur schweizerdeutsch schreiben)
 

OK, dasch ä Grund:ass2:

AW: der swiss deutsch thread(nur schweizerdeutsch schreiben)
 

eh, mal guggen... erfahrsch es sicher früeh gnue.

so, u de gseht ja die ganzi gschicht scho erfreulecher us, we sech 2 meh agmäudet hei...

u we der kilu hie mitlist: du chunnsch gfälligscht o. eifach für di wider chli id supra-szene chönne izläbe...
:wipp:

so, u trochnerpatrone si o günschtiger ausi dänkt ha... wahnsinn...

AW: der swiss deutsch thread(nur schweizerdeutsch schreiben)
 

Bi üs choscht ä Trochnerpatrone schlappi 18.- U das füre Ändchund:form:

AW: der swiss deutsch thread(nur schweizerdeutsch schreiben)
 

Hami drum für d Supra schlau gmacht. ha es Agebot mit Trochner und Umrüstsache ufs 134 für öppe e 50er-Note. Elei s Umrüschtkit würd bim Däredinger 179 Franke choschte. Gschwige de no der Trochner (gem. dire Ersatzteillischte vo Toyo für schlappi 150)... U Dichtige müesste ja die O-Ringli wo Öski hett verhäbe... Wobi me die süsch für 2.50 bi Toyo bechäm.... Wahnsinn....

AW: der swiss deutsch thread(nur schweizerdeutsch schreiben)
 

Da chasch nid viel säge, sälbscht bi Driftmotion choschtet dr "original" Denso-Trochner allei no 45$.

AW: der swiss deutsch thread(nur schweizerdeutsch schreiben)
 

Isch nid schlächt, ja.
Mi Tröchnerpatrone hie passt drum nume uf LKW-Lufttrochner ueche.....:ass2:

AW: der swiss deutsch thread(nur schweizerdeutsch schreiben)
 

dänu, das hani erwartet, dass das irgend sones trucker ding isch. :)

Eh was söus, git ja zum Glück immer e Alternative. Oder wie me bir UBS seit: es cha nid schlimmer wärde (und es wurde schlimmer). Die tüe mer ächt leid dört...

AW: der swiss deutsch thread(nur schweizerdeutsch schreiben)
 

Mi cha nume hoffe, das bi Euch nid ono so Liichene im Chäuer ligge...
I gloube, s Vouch het s vertroue i mängi Grossbank scho verlohre.

AW: der swiss deutsch thread(nur schweizerdeutsch schreiben)
 

Houptsach - me het öpper wome cha a Pranger stelle, quasi nach em Motto:



Me opferet 2,3 chöpf und het ds gfüehl es sig de erledigt - das finid rächt arm..

AW: der swiss deutsch thread(nur schweizerdeutsch schreiben)
 

Z hoffe isch es uf jede Fau nid. Weni aber luege, mit was für Kontrollene das me bi üs i de letschte Jahr igfahre isch (und mir hei ja würklech nid grossi Beträg, wo mer dermit schaffe, scho gar nid ohni explizite Chundeuftrag) chame nume hoffe, dass si i de andere Beriche mindestens glich streng worde si.

Bi üs hei ja irgendwie vor es paar Jahr 2 Händler sech gägesitig deckt und Positione absichtlich fausch bewärtet, wüu si hei s Gfüu gha, dass si ihre "Lohn" nid bechöme, we sis richtig mache... U irgendeinisch ischs haut de sowit bachab, dass sis vor em Scheff nümm hei chönne verstecke... Hett haut de o grad es paar Millione koschtet... Denn isch übrigens o no e gwüsse Herr der Big Boss gsi...

S Houptproblem isch haut, dass itze wider jede wo bi dene schaffet der Depp isch. Insbesondere die hie ir Schwiz, wo tagus u tagi e guete Job mache, für ihrer Chunde da si und dere Firma loyal und ergäbe si.

Und natürlech darfs nid möglech si, dass e einzelni Person d Möglechkeit het, d Kontrollsystem z umgah. Wobi mini persönlechi Asicht die isch, dass itze dä Herr haut der Gring mues häre ha u wes guet cho wär si Scheff der Heud u Gwinnmacher für die Firma wär gsi... Aber isch ja scho ir Vergangeheit bi andere bi de Grichtsverhandlige immer so chli e fahle Bigschmack gsi, öb äch nid doch no meh Lüt dervo gwüsst unds schlussendlech o deckt hei...

Aber isch haut o süsch so: Wenn e ganze Berich vom oberste Boss deckt und ungerstützt wird (und dermit Profite höch blibe), de wird haut jedi Ungersuechig guet use cho... Vor auem we si intern isch. Siehe üses Gschäft übere gross Teich... U de bruchts haut irgendwenn konkreti Achlage vo usserhaub, für dass de öppis geit... Leider.

AW: der swiss deutsch thread(nur schweizerdeutsch schreiben)
 

Das isch genau das woni meine, me stellt dr anger a Pranger, u opferet meh oder weniger freiwillig no es paar Chöpf vo ganz obe. I mine Ouge hei da aber zwangslöifig diversi Stelle und Kontrollinstrumänt verseit - oder komplett gfählt.

De bringts leider ou wenig we 99% vo de Lüüt seriös und tapfer arbeite, we es paar einzelni derart chönne wüete und ihri "Freiheite" hei.

Wird aber schlussäntlich bi andere Banke/Konzärn/Firme nid wäsentlich anders usgseh. Überall wo so viel Gäld im Spiel isch, het irgendöpper fasch sicher ou meh oder wneiger Dräck am Stäcke. Isch halt lang geng guet gange u wie du seisch het sech niemer für Details interressiert solangs unter em Strich stimmt. Ir aktuelle Ziit tuets das aber nüm so eifach, u de luegt me halt sicher o mau genauer häre..

AW: der swiss deutsch thread(nur schweizerdeutsch schreiben)
 

I ha mängisch ir Supra Klinik o s Gfüu, da sige irgendwelchi Macheschafte am loufe... :engel: Aber bi so em ne Konzern gsehsch natürlech schwär hinger d Kulisse...

Im Ärnscht: wie du seisch, es si nid nume Banke. Ou Nestlé oder Novartis oder ähnlechi lifere regumässig gueti Bischpiu für so Sache... Am Schluss isch haut immer jedem einzelne sis eigete Portmonee am nächschte. Wener de erfougrich isch u dürechunnt isch er der King of the Häfi (u s Portmonee wird dicker), wenns schieflouft opferet er eine vo sine Mitstritter (u sis Portmonee wird glich chli dicker, wüu er sone superma isch, wo das ufdeckt hett und d Firma vor grössere Schäde bewahrt het). Sozäges e win-win Situation :tüddeldü:

AW: der swiss deutsch thread(nur schweizerdeutsch schreiben)
 

Guete Morge

Und Lukas? No ohni witere Zwüschefau hei cho?

AW: der swiss deutsch thread(nur schweizerdeutsch schreiben)
 

Ja, sowit Problemlos, nur dass i halt anduurend die schöne Wasserfallgrüsch ha..:aua:

Und du, hesch no Liecht?

AW: der swiss deutsch thread(nur schweizerdeutsch schreiben)
 

Ohje, was isch passiert Lukas? Hoffentlich nid bim nöie Motor?

AW: der swiss deutsch thread(nur schweizerdeutsch schreiben)
 

Naja, mis Liecht isch komisch... Hett ömu wider Ussetzer, chunnt aber när mängisch wider. Mängisch ou nid.

Das mit de Wasserfäu isch klar, wenn öppis fäut. Aber das cha fasch nid das Ding si... du hesch sicher irgendwo süsch es Problem.

AW: der swiss deutsch thread(nur schweizerdeutsch schreiben)
 

Doch, bim neue.. I weiss aber ned, was es esch. Es Leck im Wasserkreislauf, soviel esch sicher. Aber wo, das weisi no ned.

Besch nächscht Samschtig ir Klinik? Denn sueche mer nomol nach dem Liecht Problem..

Me cha jo no hoffe. I wär deför, das Ding mol unter d Lupe z näh. Alli Schlüch und Dichtige (Wasserpumpi, Schrube im Chopf, Froststopfe etc.). Wenns das ned esch, blibt jo nöm vell.

AW: der swiss deutsch thread(nur schweizerdeutsch schreiben)
 

Ig dänkes, dasi dört bi. Isch hoffentlech nume sone blöde Seich, wo seicht.

AW: der swiss deutsch thread(nur schweizerdeutsch schreiben)
 

Wenn ned wärs e schöne Seich..

AW: der swiss deutsch thread(nur schweizerdeutsch schreiben)
 

es gäb nome eis: ei tag vougas schrube...

AW: der swiss deutsch thread(nur schweizerdeutsch schreiben)
 

Ohje, das tönt nid guet - hoffe das klärt sich elegant :-(

U dr ander het no immer e churze ide Hose - äh ir Liechtstüürig?