der swiss deutsch thread(nur schweizerdeutsch schreiben)

[mikezzz]

dänu, das hani erwartet, dass das irgend sones trucker ding isch.

Eh was söus, git ja zum Glück immer e Alternative. Oder wie me bir UBS seit: es cha nid schlimmer wärde (und es wurde schlimmer). Die tüe mer ächt leid dört...

[Bleifuss]

Mi cha nume hoffe, das bi Euch nid ono so Liichene im Chäuer ligge...
I gloube, s Vouch het s vertroue i mängi Grossbank scho verlohre.

[Alonso]

Houptsach - me het öpper wome cha a Pranger stelle, quasi nach em Motto:



Me opferet 2,3 chöpf und het ds gfüehl es sig de erledigt - das finid rächt arm..

[mikezzz]

Z hoffe isch es uf jede Fau nid. Weni aber luege, mit was für Kontrollene das me bi üs i de letschte Jahr igfahre isch (und mir hei ja würklech nid grossi Beträg, wo mer dermit schaffe, scho gar nid ohni explizite Chundeuftrag) chame nume hoffe, dass si i de andere Beriche mindestens glich streng worde si.

Bi üs hei ja irgendwie vor es paar Jahr 2 Händler sech gägesitig deckt und Positione absichtlich fausch bewärtet, wüu si hei s Gfüu gha, dass si ihre "Lohn" nid bechöme, we sis richtig mache... U irgendeinisch ischs haut de sowit bachab, dass sis vor em Scheff nümm hei chönne verstecke... Hett haut de o grad es paar Millione koschtet... Denn isch übrigens o no e gwüsse Herr der Big Boss gsi...

S Houptproblem isch haut, dass itze wider jede wo bi dene schaffet der Depp isch. Insbesondere die hie ir Schwiz, wo tagus u tagi e guete Job mache, für ihrer Chunde da si und dere Firma loyal und ergäbe si.

Und natürlech darfs nid möglech si, dass e einzelni Person d Möglechkeit het, d Kontrollsystem z umgah. Wobi mini persönlechi Asicht die isch, dass itze dä Herr haut der Gring mues häre ha u wes guet cho wär si Scheff der Heud u Gwinnmacher für die Firma wär gsi... Aber isch ja scho ir Vergangeheit bi andere bi de Grichtsverhandlige immer so chli e fahle Bigschmack gsi, öb äch nid doch no meh Lüt dervo gwüsst unds schlussendlech o deckt hei...

Aber isch haut o süsch so: Wenn e ganze Berich vom oberste Boss deckt und ungerstützt wird (und dermit Profite höch blibe), de wird haut jedi Ungersuechig guet use cho... Vor auem we si intern isch. Siehe üses Gschäft übere gross Teich... U de bruchts haut irgendwenn konkreti Achlage vo usserhaub, für dass de öppis geit... Leider.

[Alonso]

Das isch genau das woni meine, me stellt dr anger a Pranger, u opferet meh oder weniger freiwillig no es paar Chöpf vo ganz obe. I mine Ouge hei da aber zwangslöifig diversi Stelle und Kontrollinstrumänt verseit - oder komplett gfählt.

De bringts leider ou wenig we 99% vo de Lüüt seriös und tapfer arbeite, we es paar einzelni derart chönne wüete und ihri "Freiheite" hei.

Wird aber schlussäntlich bi andere Banke/Konzärn/Firme nid wäsentlich anders usgseh. Überall wo so viel Gäld im Spiel isch, het irgendöpper fasch sicher ou meh oder wneiger Dräck am Stäcke. Isch halt lang geng guet gange u wie du seisch het sech niemer für Details interressiert solangs unter em Strich stimmt. Ir aktuelle Ziit tuets das aber nüm so eifach, u de luegt me halt sicher o mau genauer häre..

[mikezzz]

I ha mängisch ir Supra Klinik o s Gfüu, da sige irgendwelchi Macheschafte am loufe... Aber bi so em ne Konzern gsehsch natürlech schwär hinger d Kulisse...

Im Ärnscht: wie du seisch, es si nid nume Banke. Ou Nestlé oder Novartis oder ähnlechi lifere regumässig gueti Bischpiu für so Sache... Am Schluss isch haut immer jedem einzelne sis eigete Portmonee am nächschte. Wener de erfougrich isch u dürechunnt isch er der King of the Häfi (u s Portmonee wird dicker), wenns schieflouft opferet er eine vo sine Mitstritter (u sis Portmonee wird glich chli dicker, wüu er sone superma isch, wo das ufdeckt hett und d Firma vor grössere Schäde bewahrt het). Sozäges e win-win Situation

[mikezzz]

Guete Morge

Und Lukas? No ohni witere Zwüschefau hei cho?

[lukas85]

Zitat von mikezzz

Guete Morge

Und Lukas? No ohni witere Zwüschefau hei cho?

Ja, sowit Problemlos, nur dass i halt anduurend die schöne Wasserfallgrüsch ha..

Und du, hesch no Liecht?

[Alonso]

Ohje, was isch passiert Lukas? Hoffentlich nid bim nöie Motor?

[mikezzz]

Naja, mis Liecht isch komisch... Hett ömu wider Ussetzer, chunnt aber när mängisch wider. Mängisch ou nid.

Das mit de Wasserfäu isch klar, wenn öppis fäut. Aber das cha fasch nid das Ding si... du hesch sicher irgendwo süsch es Problem.

[lukas85]

Zitat von Alonso

Ohje, was isch passiert Lukas? Hoffentlich nid bim nöie Motor?

Doch, bim neue.. I weiss aber ned, was es esch. Es Leck im Wasserkreislauf, soviel esch sicher. Aber wo, das weisi no ned.

Zitat von mikezzz

Naja, mis Liecht isch komisch... Hett ömu wider Ussetzer, chunnt aber när mängisch wider. Mängisch ou nid.

Das mit de Wasserfäu isch klar, wenn öppis fäut. Aber das cha fasch nid das Ding si... du hesch sicher irgendwo süsch es Problem.

Besch nächscht Samschtig ir Klinik? Denn sueche mer nomol nach dem Liecht Problem..

Me cha jo no hoffe. I wär deför, das Ding mol unter d Lupe z näh. Alli Schlüch und Dichtige (Wasserpumpi, Schrube im Chopf, Froststopfe etc.). Wenns das ned esch, blibt jo nöm vell.

[mikezzz]

Ig dänkes, dasi dört bi. Isch hoffentlech nume sone blöde Seich, wo seicht.

[lukas85]

Zitat von mikezzz

Ig dänkes, dasi dört bi. Isch hoffentlech nume sone blöde Seich, wo seicht.

Wenn ned wärs e schöne Seich..

[mikezzz]

es gäb nome eis: ei tag vougas schrube...

[Alonso]

Ohje, das tönt nid guet - hoffe das klärt sich elegant :-(

U dr ander het no immer e churze ide Hose - äh ir Liechtstüürig?